கொரோனா தடுப்பூசி என்ன நிலவரத்தில் இருக்கிறது?

கொரோனாவால் அதிக ஆபத்தில் தள்ளப்பட்டிருப்பவர்கள் வயது முதியோர்களே. எனவே, ஒரு தடுப்பூசியின் சக்தியை கண்டறிய அது முதியோரிடையே என்ன விதமான முன்னேற்றத்தை ஏற்படுத்துகிறது என்பதை வைத்தே தெரிந்துகொள்ளலா. இந்த விவகாரத்தில் மற்ற தடுப்பூசிகளை காட்டிலும் மாடர்னா நிறுவனத்தின் தடுப்பூசி முன்னிலையில் இருக்கிறது.

40 முதல் 56 வயது வரையிலானவர்களிடையே இந்த தடுப்பூசியை பரிசோதித்ததில் நோய் எதிர்ப்பு சக்தி உயர்வது தெரியவந்துள்ளது. மேலும், இதில் பக்கவிளைவுகள் ஏற்படாதது கூடுதல் சிறப்பு.

இந்தியா தரப்பில் உருவாக்கப்படும் கோவாக்ஸின் தடுப்பூசியை ஹைதராபாத்தை சேர்ந்த பாரத் பயோடெக் நிறுவனம் தயாரித்து வருகிறது. கோவாக்ஸின் தற்போது முழுவீச்சி பரிசோதிக்கப்பட்டு வருகிறது. இதுவரை இந்த தடுப்பூசி பாசிட்டிவான முடிவுகளை கொடுத்து வருவதாக ஆய்வாளர்கள் கூறுகின்றனர்.

இங்கிலாந்தில் ஆக்ஸ்ஃபோர்டு பல்கலைக்கழகம், ஆஸ்ட்ராஜெனெகா ஆதரவுடன் கோவிட்-19 தடுப்பூசி தயாரிக்கப்பட்டு வருகிறது. இந்த தடுப்பூசி டிசம்பர் மாதத்திற்குள் ரெடியாகிவிடும் எனவும், அடுத்த ஆறு மாதங்களுக்குள் வெகுஜன பயன்பாட்டுக்கு வரும் எனவும் தெரிவிக்கப்பட்டுள்ளது.

காற்றிலும் பரவும் கொரோனா - அதிர்ச்சித் தகவல்!

முதல்முறையாக ரஷ்யா தனது தடுப்பூசியை ஆகஸ்ட் மாதம் அதிகாரப்பூர்வமாக பதிவு செய்தது. இந்த தடுப்பூசிக்கு ஸ்புட்னிக் என்று பெயரிடப்பட்டுள்ளது. இந்த தடுப்பூசி தற்போது பல்வேறு கட்ட பரிசோதனைகளில் இருக்கிறது. இதைத்தொடர்ந்து, ரஷ்யா தனது இரண்டாம் தடுப்பூசியை விரைவில் அறிமுகப்படுத்தவிருப்பதாக தகவல் வெளியாகியுள்ளது.

சீனா தரப்பில் சீனோவேக் என்ற தடுப்பூசி உருவாக்கப்பட்டு பரிசோதனையில் இருக்கிறது. இந்த தடுப்பூசி அண்மையில் ஒரு வர்த்தகக் கண்காட்சியில் காட்சிப்படுத்தப்பட்டது குறிப்பிடத்தக்கது.