உக்ரைன் ராணுவ விமானம் விபத்து: 26 பேர் பலி!

உக்ரைன் நாட்டில் ராணுவ விமானம் ஒன்று தரையில் விழுந்து தீப்பிடித்து எரிந்தது. இந்த விபத்தில் 26 பேர் பலியாகியுள்ளனர்.

உக்ரைன் ராணுவத்தைச் சேர்ந்த விமானப் படை வீரர்களுக்கு பயிற்சி அளிப்பதற்காக அண்டோனாவ் அன் 26 என்ற ராணுவ விமானம் சுஹுவ் நகரிலிருந்து புறப்பட்டுச் சென்றது.

இந்த விமானத்தில் விமானப் படையைச் சேர்ந்த 20 பேர், விமானி உட்பட விமான ஊழியர்கள் 7 பேர் பயணம் செய்தனர்.

அமெரிக்காவின் தடுப்பூசிக்கு வெற்றி - ஹேப்பி நியூஸ்!

விமானம் புறப்பட்டுச் சென்ற சிறிது நேரத்தில் இரண்டு என்ஜின்களில் ஒன்று திடீரென செயலிழந்ததாக கூறப்படுகிறது. இதனால் விமானி உடனடியாக விமானத்தை தரையிறக்க முடிவு செய்துள்ளார்.

ராணுவ விமான நிலையத்திலிருந்து இரண்டு கிலோ மீட்டர் தொலைவில் சாலையில் விமானத்தை தரையிறக்கியுள்ளார். ஆனால் கட்டுப்பாட்டை இழந்த விமானம் சாலையோர புதரில் விழுந்துள்ளது. உடனே விமானம் தீப்பிடித்துள்ளது.

5Gக்கு மோடிஜி போட்ட மாஸ்டர் பிளான்!

இந்த விபத்தில் 26 பேர் உயிரிழந்துள்ளனர். ஒரு விமானப் படை வீரர் படுகாயங்களுடன் உயிர் தப்பினார்.

விபத்தில் உயிரிழந்தவர்களின் குடும்பங்களுக்கு அந்நாட்டு அதிபர் விளாடிமிர் ஜெலன்ஸ்கி இரங்கல் தெரிவித்துள்ளார். விபத்து நடந்த இடத்தில் அதிபர் நேரில் ஆய்வு செய்கிறார்.