இங்க படிச்சா சொந்தச் செலவில் கல்யாணம் பண்ணி வைப்பாங்க!

சீன நாட்டில் உள்ள பழமையான பல்கலைக்கழகமான நாஞ்ஜிங் பல்கலைக்கழகத்தின் 115வது ஆண்டு விழாவில் 115 ஜோடிகளுக்கு திருமணம் செய்துவைக்கப்பட்டது.

நாஞ்ஜிங் பல்கலைகழகம் 115வது ஆண்டு விழாவை நேற்று கொண்டாடியது. இந்த விழாவில் கல்லூரி ஊழியர்கள், மாணவர்கள் உட்பட 115 ஜோடிகளுக்கு திருமணம் நடந்தது.

57 முன்னாள் மாணவர்களின் ஜோடி, 6 பள்ளி ஊழியர்களின் ஜோடி மற்றும் 52 படித்துக்கொண்டிருக்கும் மாணவர்களின் ஜோடி 115 ஜோடிகள் ஒரே நேரத்தில் திருமணம் செய்துகொண்டனர். இந்த பிரம்மாண்ட திருமணம் கல்லூரி வளாகத்திலேயே நடந்திருக்கிறது.

கடந்த 2016ஆம் ஆண்டு வரை நாஞ்ஜிங் பல்கலைக்கழகத்தில் படித்தவர்கள் மொத்தம் 32,999 பேர். இவர்கள் 13,583 பேர் இளநிலை பட்டதாரிகள், 10,865 பேர் முதுகலை பட்டதாரிகள், 5,335 பேர் மருத்துவ மாணவர்கள், 3,216 பேர் வெளிநாட்டு மாணவர்கள்.