அகதிகள் ஒப்பந்தத்தை மதிப்போம்; நிறைவேற்றுவோம்: அமெரிக்க துணை அதிபர் மைக் பென்ஸ்

வாஷிங்டன்: அமெரிக்கா- ஆஸ்திரேலியா ஒப்பந்தம் புதிய முன்னேற்றமாக, டிரம்ப் நிர்வாகம் அதனை மதிக்கும் என்று அமெரிக்க துணை அதிபர் மைக் பென்ஸ் தெரிவித்துள்ளார்.

அமெரிக்காவின் முன்னாள் அதிபர் பாரக் ஒபாமா ஆட்சி காலத்தில் அமெரிக்கா-ஆஸ்திரேலியா இடையே கையெழுத்தான ஒப்பந்தத்தை புதிய அதிபர் டொனல்ட் டிரம்ப் முட்டாள்தனமானது என விமர்சித்திருந்த நிலையில் அந்த ஒப்பந்தம் ஏற்கப்படுவதாக அமெரிக்க தரப்பிலிருந்து தகவல் வெளியாகியுள்ளது. ஆஸ்திரேலியாவுக்கு சென்றுள்ள அமெரிக்காவின் துணை அதிபர் மைக் பென்ஸ், ஆஸ்திரேலிய பிரதமர் மால்கம் டர்ன்புலுடன் நடந்த பேச்சுவார்த்தையை அடுத்து, இத்தகவல் வெளியாகியுள்ளது. இந்த ஒப்பந்தம் மதிக்கப்பட வேண்டும் என்றும், ஆனால் போற்றப்படுவதற்கான அவசியமில்லை என துணை அதிபர் மைக் பென்ஸ் தெரிவித்துள்ளார்.

ஒப்பந்தத்தின் அம்சங்கள்:

*அமெரிக்கா-ஆஸ்திரேலியா இடையேயான அகதிகள் ஒப்பந்தம் நவம்பர் 2016 அறிவிக்கப்பட்டது. இது ஒபாமா ஆட்சியின் இறுதிக் காலக்கட்டம்.

*இது ஆஸ்திரேலியாவின் கடல் கடந்த தடுப்பு முகாம்களான Nauru, Manus Island, Papua Newguinea வில் உள்ள பல நாட்டு அகதிகளை அமெரிக்காவில் குடியமர்த்த போடப்பட்ட ஒருமுறை ஒப்பந்தம். அதே சமயம் Guatemala, Honduras, El Salvador வில் உள்ள அகதிகள் மீள்குடியமர்த்தப்படுவார்கள் என ஆஸ்திரேலிய பிரதமர் டர்ன்புல் உறுதியளித்திருந்தார்.

*ஆஸ்திரேலியாவின் கணக்குப்படி, மனுஸ் தீவில் 871 அகதிகளும், நவுருவில் 383 அகதிகளுமாக மொத்தம் 1,254 அகதிகள் உள்ளனர். இவர்களையே சட்டத்திற்கு புறம்பான குடியேற்றவாசிகள் என டிரம்ப் இப்போது விமர்சித்துள்ளார்.

Mike Pence says US will honour refugee deal with Australia.