பேஷன் ஷோவுக்கு வந்த மாடல் ஆடையில் தீ; பதறியடித்து ஓட்டம்

மத்திய அமெரிக்காவில் நடந்த பேஷன் ஷோ ஒன்றில் வந்த மாடல் அழகியின் ஆடையில் தீபிடித்த சம்பவம் பெரும் பரபரப்பை ஏற்படுத்தியுள்ளது.

மத்திய அமெரிக்காவின் எல் சால்வடோர் நாட்டில், பேஷன் ஷோ நடந்து கொண்டிருந்தது. இதில், பல்வேறு மாடல் அழகிகள் கலந்து கொண்டு நடந்து வந்து தங்களது அழகை வெளிப்படுத்தினர். அப்போது மேடை அலங்காரத்தில் பல விளக்குகள் எரிய விடப்பட்டிருந்தது.

இந்நிலையில், அங்கு இறகுகளால் ஆன ஆடையை ஒரு மாடல் அழகி அணிந்து வந்தார். அவர் மேடையேறி வரும் போது, மேடையின் பின்புறத்தில் எரிந்த விளக்கில் அவரது ஆடை லேசாக பட்டது.

அழகியின் ஆடையில் திடீரென்று தீ பற்றியதால், உடனே சுதாரித்துக் கொண்ட அங்கிருந்தவர்கள் விரைந்து வந்து தீயை அனைத்தனர்.

பேஷன் ஷோவில் தீ விபத்து நடந்த சம்பவம், நிகழ்ச்சி வந்திருந்தவர்களுக்கு அதிர்ச்சியை ஏற்படுத்தியது.