அப்படியென்ன இருக்கு இதுல; ரூ.778 கோடிக்கு ஏலம் போன வைக்கோல் ஓவியம்!

பிரான்ஸ் நாட்டைச் சேர்ந்த புகழ்பெற்ற ஓவியர் கிளாட் மொனெட். இவரின் ஓவியங்கள் மிகவும் தனித்தன்மை வாய்ந்தவை. இவரது படைப்புகளில் ஒருசில மட்டுமே தற்போது இருக்கின்றன.

தனது 86ஆம் வயதில், 1926ஆம் ஆண்டு காலமானார். இவர் கடந்த 1890ஆம் ஆண்டு கிராமப்புற வாழ்க்கையை சித்தரிக்கும் வகையில் வைக்கோல் ஓவியம் ஒன்றை வரைந்தார்.

இதற்கு ’மீலெஸ்’ என்று பெயரிடப்பட்டுள்ளது. இது அமெரிக்காவின் நியூயார்க் நகரில் உள்ள சோத்பி ஏல நிறுவனத்தில் ஏலத்திற்கு விடப்பட்டது.

ஏலம் தொடங்கி 8 நிமிடங்கள் வரை ஓவியம் விலைக்கு கேட்கப்பட்டது. இறுதியாக 110.7 மில்லியன் அமெரிக்க டாலருக்கு ஓவியம் ஏலம் போனது. அதாவது இந்திய மதிப்பில் ரூ.778 கோடி என்பது குறிப்பிடத்தக்கது.

இவ்வளவு பெரிய தொகைக்கு ஓவியம் ஏலம் போகும் என்று யாரும் எதிர்பார்க்கவில்லை. மொனட்டின் ஓவியங்களில் அதிக விலைக்கு போனது வைக்கோல் ஓவியம் ஆகும்.