அமெரிக்க அதிபர் தேர்தல்: மோடி விடுத்த வாழ்த்து செய்தி!

அமெரிக்க அதிபர் தேர்தல் நிறைவடைந்து கடந்த சில தினங்களாக வாக்கு எண்ணிக்கை நடைபெற்று வருகிறது. தேர்தலில் வெற்றிபெற குறைந்தபட்சம் 270 வாக்குகள் தேவை. பென்சில்வேனியா மாகாணத்தில் வெற்றிபெற்றதன் மூலம் ஜனநாயக கட்சி வேட்பாளர் ஜோ பைடன் 284 வாக்குகளை பெற்றுள்ளார்.

இதன் மூலம் ஜோ பைடன் அமெரிக்காவின் 46ஆவது அதிபராக வெற்றிபெற்றுள்ளார். மேலும், துணை அதிபராக கமலா ஹாரிஸ் வெற்றிபெற்றுள்ளார். இவர்களுக்கு பல தரப்புகளில் இருந்தும் வாழ்த்துகள் குவிந்து வருகின்றன. பல நாட்டு தலைவர்களும் வாழ்த்து தெரிவித்து வருகின்றன. சோனியா காந்தி, ராகுல் காந்தி, மு.க.ஸ்டாலின் உள்ளிட்டோரும் வாழ்த்துகளை தெரிவித்துள்ளனர்.

வெற்றி வாய்ப்பை இழந்த டொனால்டு ட்ரம்ப்புடன் நட்பு பாராட்டியவரும், அவருக்கு ஆதரவாக பேசியவருமான இந்திய பிரதமர் நரேந்திர மோடி ஜோ பைடனுக்கும், கமலா ஹாரிஸுக்கும் வாழ்த்துக்களை தெரிவித்துள்ளார்.

அமெரிக்காவின் 46ஆவது அதிபராக ஜோ பைடன் வெற்றி!

மோடி தனது ட்விட்டர் பக்கத்தில் ஜோ பைடனுடன் தான் இருக்கும் புகைப்படத்தை வெளியிட்டு, "அற்புதமான உங்களுடைய வெற்றிக்கு வாழ்த்துகள். அமெரிக்க துணை அதிபராக நீங்கள் வழங்கிய பங்களிப்பால் இந்திய, அமெரிக்க உறவுகள் வலுப்பெற்றது. அந்த உறவுகள் மிகப்பெரிய உச்சத்துக்கு செல்ல உங்களுடன் நெருக்கமாக மீண்டும் பணியாற்றும் எதிர்பார்ப்புடன் இருக்கிறேன்" என்று பதிவிட்டுள்ளார்.

ட்ரம்புக்கு செக்யூரிட்டி கொடுத்தவர்களே அவரை வெளியே துரத்துவார்களா?

கமலா ஹாரிஸுக்கு அவர் விடுத்துள்ள வாழ்த்துச் செய்தியில், "உங்கள் வெற்றிப்பயணம், திருப்பம் நிறைந்தது. இது உங்களுடைய சித்திகளுக்கு மட்டுமின்றி எல்லா இந்திய-அமெரிக்கர்களுக்கும் மிகச்சிறந்த பெருமை தரும் விஷயமாகும். துடிப்புமிக்க இந்திய, அமெரிக்க தொடர்புகள் உங்களுடைய ஆதரவு மற்றும் தலைமையால் மேலும் வலுப்பெறும் என்று நான் நம்புகிறேன்” என்று தெரிவித்துள்ளார்.