டிரம்ப் ஒரு பைத்தியம்: ஆத்திரத்தில் கத்திய கிம் ஜாங் உன்

அமெரிக்க அதிபர் டொனால்டு டிரம்ப் ஒரு மன நோயாளி என்று வடகொரிய அதிபர் கிம் ஜாங் உன் சாடியுள்ளார்.

ஐ.நா. பொதுக்கூட்டத்தில் வடகொரியாவுக்கு புதிய பொருளாதாரத் தடைகள் விதிக்கும் தீர்மானம் அண்மையில் கையெழுத்தானது. இதற்கான வரைவுத் தீர்மானத்தை முன்வைத்த அமெரிக்காவுக்கு வட கொரியா கடுமையாக எச்சரிக்கை விடுத்துள்ளது.

இதன் எதிரொலியாக வடகொரியா அணுஆயுத சோதனைகளை நிறுத்தாவிட்டால் அந்நாட்டை முழுமையாக அழித்துவிடுவதாக ஐ.நா. பொதுக்கூட்டத்தில் ட்ரம்ப் சவடால் விட்டார்.

இதனால் கடுப்பான வடகொரிய அதிபர் கிம் ஜாங் உன், “வடகொரியாவை முற்றிலும் அழித்துவிடுவோம் என்ற டிரம்ப் ஒரு மனநோயாளி” என்று ஆவேசமாகப் பேசியுள்ளார். “அமெரிக்காவின் மிரட்டல்களுக்கு எல்லாம் டிரம்ப் தக்க விலையை கொடுக்க நேரும்” என்றும் கிம் ஜாங் கூறியுள்ளார்.