ஹைட்ரஜன் குண்டு வீசி அழிப்போம்: வடகொரியா மிரட்டல்

பியாங்யாங் (வடகொரியா): ஹைட்ரஜன் குண்டு வீசி அமெரிக்காவின் மான்ஹாட்டன் நகரை அழித்து விடுவோம் என வடகொரியா பகிரங்கமாக மிரட்டல் விடுத்துள்ள சம்பவம் பரபரப்பை ஏற்படுத்தியுள்ளது.

உலக நாடுகளின் எதிர்ப்பையும், ஐ.நா. எச்சரிக்கையையும் மீறி வட கொரியா தொடர்ந்து அவ்வப்போது அணு ஆயுத சோதனையை நடத்தி வருகிறது.

இதனிடையே, தென்கொரிய எல்லையில் அமெரிக்கக்கூட்டு படையினர் மற்றும் தென்கொரிய வீரர்கள் போர் பயிற்சியில் ஈடுபட்டு வருகின்றனர்.

இதனால் ஆத்திரமடைந்துள்ள வடகொரியா பகிரங்கமாக மிரட்டல் செய்தி ஒன்றை விடுத்துள்ளது. அதில், எங்களிடம் இருக்கும் ஆற்றல் வாய்ந்த ஹைட்ரஜன் குண்டுகளை, கண்டம் விட்டு கண்டம் பாய்ந்து தாக்குதல் நடத்தும் ஏவுகணையில் பொருத்தி, அமெரிக்காவின் மான்ஹாட்டன் நகரை அழித்து விடுவோம் என்று கூறப்பட்டுள்ளது.

வட கொரியாவின் இந்த மிரட்டல், உலக நாடுகள் மத்தியில் பெரும் பரபரப்பை ஏற்படுத்தியுள்ளது.