சிறுமியுடன் திருமணம்
ஜாமியாத் உலெமா இ-இஸ்லாம் கட்சியை சேர்ந்த அரசியல் தலைவர் மவுலானா சலாஹுதின் அயுபி. இவர் பலோச்சிஸ்தானில் இருந்து நாடாளுமன்ற உறுப்பினராக தேர்வு செய்யப்பட்டுள்ளார். இவர் பலோச்சிஸ்தானை சேர்ந்த 14 வயது சிறுமியை திருமணம் செய்துள்ளதாக தகவல் வெளியாகியுள்ளது.
பள்ளி சிறுமி
திருமணம் செய்துவைக்கப்பட்ட 14 வயது சிறுமி ஜுகூர் அரசு மேனிலை பள்ளியில் படித்து வருவதாக கூறப்படுகிறது. இந்த சிறுமியின் பிறந்த தினம் 2006ஆம் ஆண்டு அக்டோபர் 28ஆம் தேதி எனவும் தகவல் வெளியாகியுள்ளது. மறுபுறம் மவுலானா சலாஹுதின் அயுபிக்கு 50 வயதுக்கு மேலாவதாக கூறுகின்றனர்.
சட்டம் சொல்வது இதுதான்
பாகிஸ்தான் சட்டதிட்டங்களின்படி, 16 வயதுக்கு கீழான பெண்களை திருமணம் செய்துவைக்க தடை விதிக்கப்பட்டுள்ளது. இதுமட்டுமல்லாமல், பெண்ணின் விருப்பத்துக்கு மாறாக கட்டாய திருமணம் செய்துவைக்கும் பெற்றோருக்கு தண்டனை விதிக்கப்படும்.
விசாரணை
சிறுமியை எம்.பி திருமணம் செய்ததாக தகவல் வெளியாகியதை தொடர்ந்து, விசாரணை நடத்த அதிகாரிகளுக்கு அரசு உத்தரவிட்டுள்ளது. இதைத்தொடர்ந்து, அச்சிறுமி 16 வயதை தொடும்வரை திருமணம் செய்துவைக்கமாட்டோம் என அவரது பெற்றோர் உறுதியளித்துள்ளனர்.