ரஷ்யாவுக்கு 1 பில்லியன் டாலர் அள்ளிக் கொடுத்த பிரதமர் மோடி... எதற்கு?

ரஷ்யாவின் விளாடிவோஸ்டோக் என்ற இடத்தில் கிழக்கு பொருளாதார அமைப்பின் முழு ஒத்துழைப்பு கூட்டத்தில் இன்று பிரதமர் மோடி கலந்து கொண்டு பேசினார். அப்போது அவருடன் ரஷ்ய அதிபர் விளாடிமிர் புடினும் இருந்தார்.

அப்போது பிரதமர் மோடி பேசுகையில், இந்தியா, ரஷ்யாவின் உறவு என்பது இருநாட்டு அரசு அலுவலகங்களுடன் நின்று விடுவதில்லை. அதையும் கடந்து, மக்களின் நலன் மற்றும் வர்த்தக உறவுகளைக் கொண்டது.

ரஷ்யாவின் Far East-ல் இந்தியா நீண்ட கால தொடர்பு வைத்துள்ளது. முதன் முறையாக இந்தியாதான் விளாடிவோஸ்டோக்கில் தூதரகத்தை திறந்தது.

அடங்காத சீனா...மீண்டும் அத்துமீறல்... தூங்கும் இந்தியா!!

Far East வளர்ச்சிக்கு இந்தியா 1 பில்லியன் டாலர் வழங்குகிறது. ஏக்ட் ஈஸ்ட் கொள்கையின் அங்கமாக திகழும் ஈஸ்ட் ஆசியாவின் நடவடிக்கைகளில் எனது அரசு முழு ஈடுபாட்டுடன் பங்கேற்கும். இன்றைய எனது அறிவிப்பின் மூலம் இரு நாடுகளுக்கும் இடையே ஒரு புதிய பொருளாதார வளர்ச்சி இருக்கும். இந்தியாவும், ரஷ்யாவும் ஆசியா மண்டலத்தின் வளர்ச்சிக்கு உறுதுணையாக நிற்கும். எனது அரசின் உயர்மட்ட அளவில் இருந்தும், தொழில்துறையில் இருந்தும் பங்கேற்பு இருக்கும்'' என்றார்.

Act Far East கொள்கைகளை ரஷ்ய அதிபர் விளாடிமிர் புடின் இன்று அறிமுகம் செய்தார்.

ஹாய் புடின்... ஹௌ ஆர் யூ? ரஷ்யாவில் சூறாவளியாய் சுழலும் பிரதமர் மோடி!

ரஷ்யாவின் எண்ணெய் நிறுவனங்களில் இந்திய நிறுவனங்கள் 7 பில்லியன் டாலர் அளவிற்கு முதலீடு செய்துள்ளன. ஓஎன்ஜிசி விதேஷ் 2001ல், சகாலின் - 1 கச்சா எண்ணெய் மற்றும் எரிவாயு நிறுவனத்தில், 20 சதவீத பங்குகளை வாங்கி இருந்தது.

ஓவிஎல் நிறுவனம் பின்னர் இம்பீரியல் எனர்ஜியை விலைக்கு வாங்கி இருந்தது. இதற்கு சைபீரியாவில் எண்ணெய் கிணறு உள்ளது. கிழக்கு சைபீரியாவில் உள்ள தாஸ் யுர்யாக் என்ற எண்ணெய் நிறுவனத்தின் 29.9 சதவீதப் பங்குகளை ஐஓசி வாங்கி இருந்தது.

2017ல் எஸ்ஸார் எண்ணெய் நிறுவனத்தை ரஷ்யாவின் எண்ணெய் நிறுவனமான ரோஸ்நெப்ட் வாங்கி இருந்தது. இதற்கு குஜராத்தில் 5,500 பெட்ரோல் பம்ப் மற்றும் எண்ணெய் சுத்திகரிப்பு நிலையம் உள்ளது. இதன் வர்த்தக மதிப்பு 12.9 பில்லியன் டாலராகும்.

இரண்டு நாள் பயணமாக பிரதமர் மோடி புதன் கிழமை ரஷ்யா சென்று இருந்தார். ரஷ்யாவின் Far East Region கூட்டத்தில் இந்தியாவில் இருந்து கலந்து கொள்ளும் முதல் பிரதமர் என்ற பெயர் மோடியை சேரும்.