பல்கலைக்கழக பேராசிரியர் மர்ம மரணம்

கலிஃபோர்னியா: லாஸ் ஏஞ்செல்ஸில் உள்ள தெற்கு கலிஃபோர்னியா பல்கலைக்கழகப் பேராசிரியர் மர்மமான முறையில கொல்லப்பட்டிருக்கிறார்.

அமெரிக்காவின் லாஸ் ஏஞ்செல்ஸ் நகரில் உள்ளது தெற்கு கலிஃபோர்னியா பல்கலைக்கழகம். இதில் சுமார் 40 ஆயிரம் மாணவர்கள் படிக்கிறார்கள். இங்கு கடந்த வெள்ளிக்கிழமை பேராசிரியர் ஒருவர் மர்மமான முறையில் கொல்லப்பட்டிருக்கிறார்.

பல்கலைக்கழகத்தின் மருத்துவம் மற்றும் ஹோம் சைன்ஸ் ப்ளாக்கில் மதிய வேளையில் பேராசிரியர் கொல்லப்பட்டிருப்பதாக காவல்துறை தெரிவித்துள்ளது. கொலை நடந்திருப்பதை அறிந்தது மாணவர்கள் அந்த கட்டிடத்திலிருந்து வெளியேற்றப்பட்டுள்ளனர்.

காவல்துறையினர் நடத்திய விசாரணையில் பேராசிரியரிடம் படித்த மாணவர் ஒருவர் சந்தேகத்தின் பேரில் கைதுசெய்யப்பட்டுள்ளார்.

ஏற்கெனவே, இதே பல்கலைக்கழகத்தைச் சேர்ந்த மாணவர் ஒருவர் கடந்த ஆண்டு மர்ம கும்பலால் அடித்துக்கொல்லப்பட்டிருக்கிறார்.