ஆப்நகரம்

வட அமெரிக்காவில் திறக்கப்பட்ட ரஜினி மக்கள் மன்றம்

வட அமெரிக்காவை சேர்ந்த சில தமிழர்கள் சமீபத்தில் ரஜினி மக்கள் மன்றத்தை அந்நாட்டில் அமைத்துள்ளனர்.

Samayam Tamil 8 May 2018, 6:36 pm
வட அமெரிக்காவை சேர்ந்த சில தமிழர்கள் சமீபத்தில் ரஜினி மக்கள் மன்றத்தை அந்நாட்டில் அமைத்துள்ளனர்.
Samayam Tamil DcqI4cmV0AEKLAR
வாஷிங்டனில் அமைக்கப்பட்டுள்ள வட அமெரிக்கா ரஜினி மக்கள் மன்றம்


கடந்த ஜனவரி 31ம் தேதி ரசிகர்களை சந்தித்த ரஜினிகாந்த், அரசியல் கட்சி தொடங்கப்போவதாக அறிவித்தார். இதனை தொடர்ந்து அவரது ஒவ்வொரு நடவடிக்கைகளும் தமிழக அரசியல் களத்தில் பரபரப்பை கிளப்ப தொடங்கியது.

அதனை தொடர்ந்து, ரஜினி மக்கள் மன்றத்திற்கான உறுப்பினர்கள் சேர்க்கும் பணி தற்போது வேகம் எடுக்க தொடங்கியுள்ளது. இந்நிலையில் அமெரிக்கா உடல்நல சிகிச்சைக்காக சமீபத்தில் அமெரிக்க சென்று திரும்பினார் ரஜினி.

வட அமெரிக்காவில் திறக்கப்பட்ட ரஜினி மக்கள் மன்றம்

" />

உடல்நலம் சார்ந்த சிகிச்சைகள் என்றாலும், இந்த அமெரிக்க பயணம் ஒரு அரசியல் கட்சி அமைப்பதற்கான அடித்தளம் தான் எனவும், அதற்கான ஆலோசனைகளுக்காகவே ரஜினி அங்கு சென்றதாக தகவல்கள் வெளியாகின.

இந்நிலையில் ரஜினியின் அரசியல் கட்சிக்கு என்ன பெயர் வைக்கலாம்? கட்சிக்கான கொடியின் வடிவமைப்பு எப்படி இருக்கும்? போன்ற ஆலோசனைகளும் செயல்பாடுகளும் ரஜினி மக்கள் மன்றத்தில் வேகம் எடுத்து வருகிறது.

இந்தியாவில் மட்டுமில்லாமல், ரஜினிகாந்திற்கு மலேசியா, சிங்கப்பூர், ஜப்பான், சீனா, இலங்கை, தென் ஆஃபிரிக்கா, ஐரோப்போ போன்ற பல நாடுகளில் அவருக்கு ரசிகர்கள் இருக்கிறார்கள்.


தற்போது அமெரிக்காவில் வாழும் தமிழர்கள் சிலர் அங்கு ரஜினி மக்கள் மன்றம் தொடங்கப்பட்டுள்ளதாக தெரிவித்துள்ளார்கள். இதற்கான திறப்பு விழா நேற்று நடைபெற்றுள்ள நிலையில், வட அமெரிக்கா ரஜினி மக்கள் மன்றத்திற்கான நிர்வாகிகளும் அமைக்கப்பட்டுள்ளதாக தெரிவிக்கப்பட்டுள்ளது.

அடுத்த செய்தி

Tamil News App:
முக்கியச் செய்திகள் மற்றும் புதிய செய்திகளுக்கு Samayam Tamil ஃபேஸ்புக்பக்கத்துடன் தொடர்ந்திருங்கள்