மனிதனை அடையாளம் காணும் செம்மறியாடு.!

செம்மறியாடுகளுக்கு மனித முகங்களை அடையாளம் காணும் திறன் இருப்பது மருத்துவ ஆராய்ச்சியில் தெரியவந்துள்ளது.

இங்கிலாந்தில் உள்ள கேம்பிரிட்ஜ் பல்கலைக் கழக நரம்பியல்மருத்துவ ஆராய்ச்சியின் ஒரு பகுதியாக, எட்டு செம்மறியாடுகளுக்கு பிரபலங்களின் முகங்களை அடையாளம் காணும் பயிற்சி வழங்கப்பட்டது.

அமெரிக்க முன்னாள் அதிபர் ஒபாமா, இங்கிலாந்து செய்தி வாசிப்பாளர் ஃபியோனா புரூஸ், நடிகை எம்மா வாட்சன், நடிகர் ஜேக் கில்லென்ஹால் ஆகியோரின் முகங்களை ஆகியோரின் முகங்களை அடையாளம் காணும் பயிற்சி செம்மறியாடுகளுக்கு வழங்கப்பட்டது.

இந்த பயிற்சிக்குப் பின்னர், ஒரே பிரபலத்தின் வெவ்வேறு புகைப்படங்களை காட்டியபோது செம்மறியாடுகள் சரியாக அடையாளம் கண்டுள்ளது. மனிதர்களின் மூளையைப் போலவே செம்மறியாடுகளுக்கும் பெரிய அளவிலான மூளையும், சிந்திக்கும் திறனும் இருப்பதும், குரங்கு, நாய், குதிரைக்குப் பிறகு மனித முகங்களை அடையாளம் காணும் திறன் செம்மறி ஆடுகளுக்கு இருப்பதும் இந்த ஆய்வின் முடிவில் தெரிய வந்துள்ளது.

Sheep has the ability to identify human faces.