இஞ்சி இடுப்பழகி அழகிகளுக்கு பிரான்சில் தடை..!

மிக ஒல்லியான தேகம் கொண்ட மாடல் அழகிகளுக்கு பிரான்சில் தடை விதிக்கப்பட்டுள்ளது.

பிரான்ஸ் நாட்டில் பசியின்மை நோயினால் சுமார் 40,000 பெண்கள் பாதிக்கப்பட்டுள்ளனர். இவர்களில் பெரும்பாலானோர் தங்களின் உடலை ஒல்லியாக வைத்துக் கொள்வதற்காக, உணவு உண்பதை குறைத்தததால் இந்த பிரச்சனையில் சிக்கியுள்ளனர்.

எனவே மேலும் இது போன்ற பிரச்சனைகளுக்கு ஆளாகும் வகையில் பெண்களை ஊக்கப்படுத்தக் கூடாது என்பதற்காக ஒல்லியான மாடல் அழகிகளுக்கு பிரான்ஸில் தடை விதிக்கப்பட்டுள்ளது. உயரத்திற்கு ஏற்ற எடை என்ற பி.எம்.ஐ அளவை விட குறைந்த எடை கொண்ட அழகிகளுக்கு இந்த தடை விதிக்கப்பட்டுள்ளது.

இந்த புதிய விதியின்படி பேஷன் ஷோக்களில் கலந்து கொள்ளும் மாடல் அழகிகள், தங்களுடைய உடல் எடை சரியாக இருப்பதாக மருத்துவரிடன் சான்றிதழ் பெற்று அரசு அதிகாரிகளிடம் சமர்ப்பிக்க வேண்டும்.

இந்த சட்டத்தை மீறுபவர்களுக்கு சுமார் 82,000 டாலர்கள் வரை அபராதம் விதிக்கப்படலாம். பிரான்சுக்கு முன்னதாக இஸ்ரேல்,ஸ்பெயின், இத்தாலி ஆகிய நாடுகள் இது போன்ற சட்டத்தை அமல்படுத்தியுள்ளது குறிப்பிடத்தக்கது.

Slim fashion models banned in France