8 ஆண்டுகளில் 55% வளர்ச்சி; அமெரிக்காவில் அதிகம் பேசும் மொழிகளில் ஒன்றான தமிழ்!

கடந்த 2017ஆம் ஆண்டிற்கான அமெரிக்கன் கம்யூனிட்டி சர்வே அறிக்கையை, அமெரிக்க சென்சஸ் ப்யூரோ சமீபத்தில் வெளியிட்டது. அதன்படி, ஜூலை 1, 2017 நிலவரப்படி அமெரிக்க வாழ் மக்கள் குறித்து ஆய்வு செய்யப்பட்டுள்ளது.

அங்கு வாழும் மக்களில் 21.8% பேர் ஆங்கிலம் அல்லாத 5 மொழிகளைப் பேசக்கூடியவர்களாக இருக்கின்றனர். மொத்த மக்கள் தொகையான 30.5 கோடி பேரில், 6.7 கோடி பேர் வெளிநாட்டு மொழிகளைப் பேசுகின்றனர்.

அமெரிக்காவில் இந்தி மொழி பேசுவோரின் எண்ணிக்கை அதிகளவில் இருக்கிறது. இதற்கடுத்த இடங்களில் குஜராத்தி, தெலுங்கு மொழி பேசுவோர் இருக்கின்றனர்.

குறிப்பாக இந்தி மொழியை 8.63 லட்சம் பேரும், குஜராத்தியை 4.34 லட்சம் பேரும், தெலுங்கு மொழியை 4.15 லட்சம் பேரும், பெங்காலி மொழியை 2.23 லட்சம் பேரும், தமிழ் மொழியை 1.84 லட்சம் பேரும் பேசுகின்றனர்.

எனவே அமெரிக்காவில் அதிகம் பேசப்படும் மொழிகளில் தமிழுக்கு 5வது இடம் கிடைத்துள்ளது. கடந்த ஓராண்டில் மட்டும் அமெரிக்காவில் தமிழ் பேசுவோரின் எண்ணிக்கை 55.4% அளவிற்கு அதிகரித்துள்ளது.

இருப்பினும் அதிகபட்சமாக தெலுங்கு பேசுவோரின் எண்ணிக்கை 86.3%ஆக உயர்ந்துள்ளது குறிப்பிடத்தக்கது.

Tamil is the 5th most spoken Indian language in US with 55% increase in 8 years.