விண்வெளிக்கு பறந்த வறுத்த கோழி!

பிரிட்டனை சேர்ந்த ஐஸ்லேண்ட் ஃபுட்ஸ் என்ற சூப்பர் மார்க்கெட் 50 ஆண்டு நிறைவு விழாவை கொண்டாடியது. இதையொட்டி, சிக்கன் நகட் துண்டு ஒன்றை விண்வெளிக்கு அனுப்பியுள்ளது.

இதற்காக ‘Sent into Space' என்ற நிறுவனத்தின் உதவியுடன் சிக்கன் நகட்டை விண்வெளிக்கு அனுப்பியுள்ளது இந்த சூப்பர் மார்க்கெட். வேல்ஸின் கிராமப்புற பகுதியில் இருந்து புறப்பட்ட சிக்கன் நகட் 110,000 அடி உயரத்தில் வளிமண்டலத்தில் மிதந்துகொண்டு இருந்தது.

குறைந்த அழுத்தத்தில், -65 டிகிரி செல்சியஸ் நிலையில் விண்வெளியில் சுமார் ஒரு மணி நேரத்திற்கு இந்த சிக்கன் மிதந்துள்ளது. எரிவயு நிரப்பப்பட்ட பலூனில் கட்டி இந்த சிக்கன் விண்ணில் ஏவப்பட்டுள்ளது. இத்துடன் சேட்டிலைட் ட்ராக்கிங், கேமரா ஆகியவையும் அனுப்பப்பட்டுள்ளன.

விண்ணுக்கு செல்ல சிக்கனுக்கு 1.45 மணி நேரம் ஆகியது. பின்னர் அங்கிருந்து கீழே வருகையில் மணிக்கு 200 மைல் வேகத்தில் சிக்கன் அதிவேகத்தில் வந்ததாக தெரிவிக்கப்பட்டுள்ளது. தரையில் இருந்து 19 கிலோமீட்டர் உயரத்தில் பாராச்சூட் விரிக்கப்பட்டு சிக்கன் பாதுகாப்பாக தரையிறங்கியது.