ஆப்நகரம்

நில நடுக்கத்தில் இடிந்த சிறைகள்: 1200 கைதிகள் எஸ்கேப்!

நில நடுக்கம் மற்றும் சுனாமியால் இடிந்த இந்தோனேஷிய சிறைகளிலிலிருந்து ஆயிரக்கணக்கான கைதிகள் தப்பியுள்ளனர்.

Samayam Tamil 1 Oct 2018, 6:37 pm
நில நடுக்கம் மற்றும் சுனாமியால் இடிந்த இந்தோனேஷிய சிறைகளிலிலிருந்து ஆயிரக்கணக்கான கைதிகள் தப்பியுள்ளனர் என அந்நாட்டு நீதித்துறை தகவல் வெளியிட்டுள்ளது.
Samayam Tamil indonesia-tsunami


இந்தோனேஷியாவின் சுலாவேசி தீவுவின் கடற்கரையில் 7.5 ரிக்டர் அளவு நிலநடுக்கம் ஏற்பட்டது. தொடர்ந்து கடலோர நகரான பலுவில் சுனாமி பேரலைகள் தாக்கின.

இதில் மாபெரும் பொருட்சேதமும் உயர்ச்சேதமும் ஏற்பட்டுள்ளது. சுனாமியில் சிக்கி உயிரிழந்தவர்கள் எண்ணிக்கை சமீபத்திய தகவலின்படி 844 ஆக அதிகரித்துள்ளது என அந்நாட்டின் தேசிய பேரிடர் அமைப்பின் செய்தித்தொடர்பாளர் தெரிவித்துள்ளார்.

3 லட்சத்துக்கும் அதிகமானவர்கள் சுனாமியால் பாதிக்கப்பட்டுள்ள நிலையில், சுனாமியில் அகப்பட்ட ஏராளமானவர்களை இன்னும் காணவில்லை என்பதால் பலி எண்ணிக்கை மேலும் உயரக்கூடும் என்று கருதப்படுகிறது.

இந்நிலையில், சுலாவேசியில் உள்ள பலு மற்றும் டோங்கலா ஆகிய இடங்களில் இருக்கும் சிறைகள் நிலநடுக்கத்தால் இடிந்துள்ளன. இச்சந்தர்ப்பத்தை பயன்படுத்தி ஆயிரக்கணக்கான கைதிகள் தப்பிச்சென்றுள்ளனர்.

சுமார் 1200 கைதிகள் சிறைகளிலிருந்து தப்பி காணாமல் போயிருக்கிறார்கள் என்று அந்நாட்டு நீதித்துறை அமைச்சகம் தெரிவித்திருக்கிறது டோங்கலாவில் நில நடுக்கத்தினால் தீ விபத்தும் ஏற்பட்டதால் அங்கிருந்த அனைத்து கைதிகளையும் காணவில்லை. பெருபாலானவர்கள் ஊழல் குற்றச்சாட்டுகளில் தண்டனை பெற்றவர்கள். 5 பேர் நில நடுக்கம் ஏற்படுவதற்கு சில நாட்கள் முன்பு பயங்கரவாதக் புகாரின் பேரில் சிறையில் அடைக்கப்பட்டவர்கள் என்பது குறிப்பிடத்தக்கது.

அடுத்த செய்தி