திருமணமான 2 மணி நேரத்தில் விபத்தில் உயிரிழந்த ஜோடி!

அமெரிக்காவைச் சேர்ந்த இளம் ஜோடி கல்யாணமான இரண்டு மணி நேரத்திலேயே ஹெலிகாப்டர் விபத்தில் உயிரிழ்ந்துள்ளனர்.

அமெரிக்காவின் டெக்சாஸ் நகரைச் சேர்ந்த வில் பைலெர் மற்றும் பைலீ அகெர்மேன் ஆகியோரின் திருமணம் கடந்த சனிக்கிழமை நடைபெற்றிருக்கிறது.

திருமணத்துக்குப் பின் மணமக்கள் ஹெகாப்டர் மூலம் ஹனிமூனுக்குச் செல்ல ஏற்பாடு செய்யப்பட்டிருந்தது. இதன்படி இரவு வில்லும் பைலீயும் ஹெலிகாப்டரில் புறப்பட்டனர்.

உறவினர்களும் நண்பர்களும் அவர்களது ஹெலிகாப்டரை நோக்கி கை அசைத்து வழி அனுப்பினர். ஆனால், அடுத்த ஒன்றரை மணி நேரத்தில் ஹெலிகாப்டர் ஒரு மலையில் மோதி விபத்துக்குள்ளாகியுள்ளது.

இந்த விபத்தில் திருமண ஜோடியும் ஹெலிகாப்டர் ஓட்டுநரும் உயிரிழந்துள்ளனர். இது பற்றி ஞாயிற்றுக்கிழமை காலைதான் அவர்களது குடும்பத்தினருக்குத் தெரியவந்திருக்கிறது.