கீழே கிடந்த லாட்டரி சீட்டுக்கு ரூ.12.7 கோடி பரிசு; சரவெடி கொண்டாட்டத்தில் தம்பதி!

அமெரிக்காவில் ஒவ்வொரு ஆண்டும் நவம்பர் 4ஆம் வியாழன் அன்று, ’நன்றி தெரிவிக்கும்’ நாள் கொண்டாடப்பட்டு வருகிறது. அந்நாளில் தேசிய விடுமுறை அறிவிக்கப் பட்டுள்ளது.

எனவே விருந்தினர்களுக்கு அழைப்பு விடுத்து, அவர்களுடன் மகிழ்ச்சியாக கொண்டாடுவர். இதேபோல் நடப்பாண்டிற்கான ’நன்றி தெரிவிக்கும்’ நாள் கடந்த 21ஆம் தேதி கொண்டாடப்பட்டது.

இதற்காக டினா எரென்பெர்க் என்ற அமெரிக்க தம்பதியினர் தமது உறவினர்கள், நண்பர்களுக்கு அழைப்பு விடுத்தனர். இதன் காரணமாக தங்கள் வீட்டைச் சுத்தம் செய்யும் பணியில் ஈடுபட்டனர்.

அப்போது எதேச்சையாக சில லாட்டரி சீட்டுகள் கிடைத்தன. அவற்றை ஆராய்ந்து பார்க்கையில், ஒரு சீட்டுக்கு 1.8 மில்லியன் டாலர்கள்(ரூ.12.7 கோடி) பரிசு கிடைத்துள்ளது. இந்த லாட்டரி காலாவதியாக இன்னும் 2 வாரங்களே இருந்தது குறிப்பிடத்தக்கது.

உடனே அந்தச் சீட்டை அளித்து, அமெரிக்க தம்பதியின் உரிய பணத்தைப் பெற்றுக் கொண்டனர். இது அப்பகுதி மக்களை ஆச்சரியத்தில் ஆழ்த்தியுள்ளது.