விசா கெடுபிடி
அமெரிக்க அதிபர் டொனால்ட் டிரம்ப் அரசு பணிபுரிவதற்காகவும் படிப்பதற்காகவும் வரும் வெளிநாட்டினருக்கு விசா வழங்குவதில் கடுமையான கட்டுப்பாடுகளை விதித்துள்ளது. தற்போது கர்ப்பிணிகளுக்கான விசா வழங்குவதையும் புதிய விதிகள் மூலம் கட்டுப்படுத்த திட்டமிட்டுள்ளது.
குழந்தைக்குக் குடியுரிமை
தற்போதைய நிலையில் கர்ப்பிணிகள் அமெரிக்காவுக்கு வந்து குழந்தை பெற்றால், குழந்தைக்கு எளிதாக அமெரிக்க குடியுரிமை கிடைக்கும். இதை பயன்படுத்திக்கொண்டு அமெரிக்க குடியுரிமை பெறுவதற்காகவே ரஷ்யா, சீனா ஆகிய நாடுகளிலிருந்து கர்ப்பிணிகள் அமெரிக்காவுக்கு வருகிறார்கள் என அமெரிக்கா கருதுகிறது.
கர்ப்பிணியா?
இதனால் கர்ப்பிணிகளுக்கு சுற்றுலா விசா வழங்குவதைக் கட்டுப்படுத்த அமெரிக்க அரசு முடிவு செய்துள்ளது. அமெரிக்க விசாவுக்கு விண்ணப்பிக்கும் பெண்கள் கர்ப்பிணியா இல்லையா என்பதைத் தெரியப்படுத்த வேண்டும்.
குழந்தை பெறும் திட்டமா?
மேலும், அமெரிக்காப் பயணத்தின்போது கருவுறும் திட்டம் உள்ளதா என்பதையும் கூறவேண்டும். கர்ப்பணியாக இருந்தால் விசா கிடைப்பதற்கான வாய்ப்பு குறைவாகிவிடும்.