பாகிஸ்தானை பயங்கரவாத ஆதரவு நாடாக அறிவிக்க அமெரிக்க எம்.பி.,க்கள் தீர்மானம்

ஐ.நா.,வில் இன்று பாகிஸ்தான் பிரதமர் நவாஸ் ஷெரீப் பேச இருக்கும் நிலையில் அமெரிக்காவில் இந்த தீர்மானம் கொண்டு வந்து இருப்பது பாகிஸ்தானுக்கு பின்னடைவாகவே கருதப்படுகிறது.

அமெரிக்க செனட் சபையில் எம்.பி.,க்கள் கொண்டு வந்துள்ள இந்த தீர்மானத்தின் மீது நான்கு மாதங்களுக்குள் அமெரிக்க நிர்வாகம் பதில் அளித்து ஆக வேண்டும்.

அமெரிக்க அதிபர் 90 நாட்களுக்குள் பாகிஸ்தான் தீவிரவாதிகளுக்கு ஆதரவு கொடுக்கிறதா? இல்லையா? என்பதை உறுதிபடுத்த வேண்டும். இதையடுத்து அடுத்த 30 நாட்களுக்குள் அமெரிக்க உள்துறை அமைச்சகம் இதுகுறித்த அறிக்கை ஒன்றை வெளியிட வேண்டும். ஏன் பாகிஸ்தான் சட்ட நடவடிக்கைகளை பின்பற்றவில்லை என்பதையும் உறுதிபடுத்த வேண்டும்.

இந்த தீர்மானத்தை அறிமுகப்படுத்துவதற்கு முன்பு இதுதொடர்பான அறிக்கை வெளியிட்ட எம்.பி., டெட் போ விடுத்திருந்த அறிக்கையில், ''பாகிஸ்தான் நம்பிக்கை இல்லாத நாடு மட்டுமின்றி, ஒசாமா பின்லேடனில் இருந்து அமெரிக்காவுக்கு ஹக்கானி நெட்வொர்க்கை ஏற்படுத்தியது என அனைத்து பயங்கரவாத செயல்களுக்கும் ஆதரவு அளித்துள்ளது. தீவிரவாத போர் தொடுத்துக் கொண்டு இருப்பது அமெரிக்கா அல்ல. பாகிஸ்தான்தான்'' என்று தெரிவித்துள்ளார்.

சில எம்.பி.,க்கள் உரி தாக்குதலையும் கடுமையாக கண்டித்துள்ளனர்.
English Summary:
US lawmakers move bill to designate Pakistan as a terrorist state