ஒரேமாதிரி 25 லாட்டரி டிக்கெட்; அத்தனையும் ஜாக்பாட் - லட்சக்கணக்கில் கொட்டிய பணம்!

அமெரிக்காவில் உள்ள விர்ஜினியாவைச் சேர்ந்தவர் ரேமண்ட் ஹேரிங்டன். இவர் விர்ஜினியா பீச்சில் உள்ள வேக்நம் ஸ்டோருக்குச் சென்றுள்ளார். அங்கு விர்ஜினியா லாட்டரியின் ஜூலை 17ஆம் தேதிக்கான 'Pick 4' குலுக்கலுக்கு லாட்டரி டிக்கெட் ஒன்றை வாங்கியுள்ளார். அதுவும் ஒரு டாலர் மதிப்புள்ள 25 லாட்டரி சீட்களை அந்த ஒரே குலுக்கலுக்கு வாங்கியுள்ளார். ஏனெனில் ஏதாவது ஒரு லாட்டரியில் பணம் விழாதா என்ற ஆசையில் தான் இப்படிச் செய்துள்ளார்.

இதற்கான முடிவுகள் வெளியான போது ரேமண்ட் ஹேரிங்டனால் ஆச்சரியம் தாங்க முடியவில்லை. வாங்கிய 25 லாட்டரி சீட்களுக்கு பணம் விழுந்துள்ளது. ஒரு சீட்டிற்கு 5,000 அமெரிக்க டாலர் என்று மொத்தம் 1,25,000 டாலர்கள் கிடைத்துள்ளன.

போட்டோசெஷனில் தலைதெறிக்க ஓட்டம்; பெய்ரூட் பயங்கரத்தில் கிரேட் எஸ்கேப் - வைரல் வீடியோ!

இந்த பணத்தை தனது மகனின் கல்விக்காக செலவிடப் போவதக ஹேரிங்டன் தெரிவித்துள்ளார். இதேபோல் ஜோ பி என்ற நபர் கொலராடோ லாட்டரியில் கடந்த 30 ஆண்டுகளாக லாட்டரி டிக்கெட் வாங்கி வந்துள்ளார்.

ஆனால் ஒருமுறை கூட பணம் விழவில்லை. இந்த நிலையில் அதிர்ஷ்டம் இவர் வீட்டை சமீபத்தில் தட்டியுள்ளது. அதுவும் இரண்டு முறை. சமீபத்தில் லேக் அவென்யூவின் 7-லெவனில் இருந்து காலையில் ஒரு லாட்டரியும், லோஃப் அண்ட் ஜக்கில் இருந்து மாலையில் மற்றொரு லாட்டரியும் வாங்கியுள்ளார்.

தொற்று குறையாத சூழலில் கொண்டாட்டங்கள் தேவைதானா?

இந்த சூழலில் குலுக்கல் நடைபெற்றதில் இரண்டு லாட்டரியிலும் பணம் விழுந்துள்ளது. அதுவும் ஒரு லாட்டரி டிக்கெட்டிற்கு ஒரு மில்லியன் டாலர். மொத்தமாக இரண்டு மில்லியன் டாலர். இதுபோன்ற ஆச்சரிய சம்பவங்கள் அவ்வப்போது நிகழ்ந்து கொண்டு தான் இருக்கின்றன.