”எனக்கு ஒரு டாலர் சம்பளம் போதும்.”-டிரம்ப் அதிரடி..!

அமெரிக்க அதிபராக பொறுப்பேற்றதிலிருந்து ஆண்டிற்கு ஒரு டாலர் மட்டும் சம்பளமாக வாங்க உள்ளதாக டொனால்ட் டிரம்ப் தெரிவித்துள்ளார்.

நேற்று அமெரிக்காவில் உள்ள தொலைக்காட்சி ஒன்றுக்கு பேட்டியளித்த அவர்,இதனை தெரிவித்துள்ளார்.அதிபர் தேர்தலில் வெற்றி பெற்றதும் முதன்முறையாக இந்த தொலைக்காட்சியின் ஒரு மணி நேர நிகழ்ச்சியில் கலந்து கொண்டு கேள்விகளுக்கு டிரம்ப் பதிலளித்தார்.பேட்டியின்போது அமெரிக்க அதிபரின் மாத ஊதியம் எவ்வளவு என கேட்ட போது,டிரம்பினால் அதற்கு பதிலளிக்க தெரியவில்லை.இதனை தொடர்ந்து அமெரிக்க அதிபரின் மாத ஊதியம் 4 லட்சம் டாலர்கள் என நிகழ்ச்சித் தொகுப்பாளர் தெரிவித்தார்.

இதனை தொடர்ந்து,”அமெரிக்க அதிபராக பதவியேற்ற பின்,ஆண்டுக்கு ஒரு டாலர் மட்டுமே ஊதியமாக பெறுவேன்.” என டிரம்ப் கூறினார்.தனக்கு எதிராக அமெரிக்கா முழுவதும் நடைபெற்று வரும் போராட்டங்கள் குறித்து கருத்து தெரிவித்த அவர்,”இந்த போராட்டங்களை பார்க்கும் போது எனக்கு கவலையாக இருக்கிறது.இதனை மக்கள் நிறுத்த வேண்டும்.” என கேட்டுக் கொண்டார்.
அடுத்தாண்டு ஜனவரி 20-ஆம் தேதி டொனால்ட் டிரம்ப் அமெரிக்க அதிபராக பதவியேற்றுக் கொள்ள உள்ளார் என்பது குறிப்பிடத்தக்கது.


Will take only $1 salary per year as President: Trump