ஜிகா வைரசால் ஆசியா, ஆப்பிரிக்காவில் 2 மில்லியன் மக்கள் பாதிப்பு

லண்டன்: ஜிகா வைரஸ் பாதிப்பால், ஆசியா மற்றும் ஆப்பிரிக்காவில் 2 மில்லியன் மக்கள் பாதிக்கப்பட்டுள்ளதாக விஞ்ஞானிகள் தெரிவித்துள்ளனர்.

இந்தியா, சீனா, பிலிப்பைன்ஸ், இந்தோனேஷியா, நைஜீரியா, வியட்நாம், பாகிஸ்தான் மற்றும் வங்கதேசம் உள்ளிட்ட நாடுகளில் ஜிகா வைரஸ் பரவுவதற்கான சாத்தியக் கூறுகள் அதிகம் இருப்பதாக அவர்கள் குறிப்பிட்டுள்ளனர். விமான பயணிகளிடம் தொடர்ந்து சோதனை செய்து, எச்சரிக்கையுடன் இருந்து வருகின்றனர். சில இடங்களில் இந்த வைரசிற்கான எதிர்ப்பு சக்தி இருப்பதாகவும், இதனால் நோயின் பாதிப்பு கட்டுப்படுத்தப்படுவதாகவும் தெரிவித்துள்ளனர்.

லண்டன் சுகாதாரம் மற்றும் வெப்ப மருத்துவ கல்லூரி, ஆக்ஸ்போர்டு பல்கலைக்கழகம், டொரோண்டோ பல்கலைக்கழகம் ஆகியவற்றில் உள்ள ஆராய்ச்சி குழுவினர், பொதுமக்கள் அதிகம் வசிக்கும் இடங்களில் இந்த நோயின் பாதிப்பை கண்டறிவது மிகவும் கடினம் என்று கூறியுள்ளார். பெரும்பாலும் தென் அமெரிக்காவில் இருந்து ஆப்பிரிக்கா மற்றும் ஆசிய நாடுகளுக்கு பயணம் மேற்கொள்பவர்களுக்கு ஜிகா வைரஸ் சாத்தியக் கூறுகள் இருப்பதாக குறிப்பிட்டுள்ளனர்.

தற்போது 65க்கும் மேற்பட்ட நாடுகளில் ஜிகா வைரஸ் பாதிப்பு ஏற்பட்டுள்ளது. சமீபத்தில் கொசுக்கள் மூலமாக ஆப்ரிக்காவில் இந்த நோய் பரவியது குறிப்பிடத்தக்கது. சிங்கப்பூரில் முதல் ஜிகா வைரஸ் பாதிப்பு, கர்ப்பிணி பெண் ஒருவருக்கு இருப்பது கண்டுபிடிக்கப்பட்டுள்ளது. கடந்த ஆண்டு பிரேசிலில் ஜிகா வைரஸ் பாதிப்பால், பிறக்கும் குழந்தைகளின் தலை மிகவும் சிறியதாக இருந்தது.