ஜிகா வைரஸால் 250 கோடி பேர் பாதிக்கப்படுவார்கள்!

பிரேசிலா: உலகம் முழுவதும் சுமார் 250 கோடி பேர் ஜிகா வைரஸால் பாதிக்கப்பட வாய்ப்புள்ளதாக ஆய்வில் தெரியவந்திருக்கிறது.

உலக அளவில் 250 கோடி பேருக்கு ஜிகா வைரஸ் பாதிப்பு ஏற்பட வாய்ப்புள்ளதாக ’தி லேன்செட் இன்ஃபெக்ஷியஸ் டிசீசஸ்' என்ற மருத்துவ இதழில் வெளியாகியுள்ள ஆய்வு முடிவில் தெரிவிக்கப்பட்டிருக்கிறது. 250 கோடி என்பது கிட்டத்தட்ட உலக மக்கள் தொகையில் மூன்றில் ஒரு பங்கு என்பதால் இந்த ஆய்வு முடிவு உலகம் முழுவதும் அச்சத்தை ஏற்படுத்தியுள்ளது.

பெரும்பான்மையானவர்கள் ஜிகா வைரஸை தொற்றுக்கு ஆளாவதைத் தடுக்க முடியாத அல்லது கண்டுபிடிக்கவே முடியாத சூழலில் வாழ்கிறார்கள் என்றும் இந்த ஆய்வின் முடிவில் தெரிவிக்கப்பட்டுள்ளது.

இந்தியா, பாகிஸ்தான், நைஜீரியா உள்ளிட்ட நாடுகளில் வசிப்பவர்களுக்கு ஜிகா வைரஸ் தொற்று உண்டாக அதிக வாய்ப்பு உள்ளதாகவும் இந்த ஆய்வில் எச்சரிக்கப்பட்டுள்ளது.

ஜிகா வைரஸ் பாதிப்புக்கு ஆளான கர்ப்பிணிப் பெண்களுக்கு கர்ப்பத்திலேயே குழந்தைக்கு மூளைக்குறைபாடு ஏற்படுவதாக விஞ்ஞானிகள் கூறியுள்ளனர்.