முதல்வர் ஸ்டாலின் பிறந்தநாள்: பள்ளிக் குழந்தைகளின் வித்தியாச வாழ்த்து!

தமிழக முதல்வர் மு.க.ஸ்டாலினின் பிறந்த நாளை முன்னிட்டு காஞ்சிபுரம் அருகே அங்கம்பாக்கம் அரசு பள்ளி மாணவர்கள், பல வண்ணங்களில் முதல்வரின் படத்துடன் பள்ளி மாணவர்களுக்கு அவர் அளித்த திட்டங்களின் பெயர்களை பட்டியலிட்டு அதனுடன் பிறந்த நாள் வாழ்த்துக்கள் தெரிவித்து வெளியிட்டுள்ள வீடியோ சமூக வலைத்தளங்களில் வரவேற்பு பெற்று வருகிறது.

அங்கம்பாக்கம் பள்ளி!

காஞ்சிபுரம் ஊராட்சி ஒன்றியம், வாலாஜாபாத் தாலுகாவிற்கு உட்பட்ட அங்கம்பாக்கம் கிராமத்தில் 1ஆம் வகுப்பு முதல் 8ஆம் வகுப்பு வரையிலான அரசு ஊராட்சி ஒன்றிய நடுநிலைப்பள்ளி செயல்பட்டு வருகிறது.

தமிழக அரசின் திட்டங்கள்

தமிழக முதலமைச்சர் மு.க.ஸ்டாலினின் 70ஆவது பிறந்த நாள் இன்று கோலாகலமாக கொண்டாடப்பட்டு வருகிறது. இந்நிலையில் பள்ளிக் கல்வித்துறை சார்பாக முன்னெடுக்கப்பட்ட இல்லம் தேடி கல்வி திட்டம், காலை சிற்றுண்டி உணவு போன்ற திட்டங்களுக்காக முதல்வருக்கு நன்றி தெரிவிக்கும் விதமாகவும், பிறந்தநாள் வாழ்த்து சொல்லும் விதமாகவும் மாணவர்கள் புதிய முயற்சியில் ஈடுபட்டனர்.

ஈரோடு கிழக்கு: யாருக்கு வெற்றி? எடப்பாடிக்கு கிடைத்த ரிப்போர்ட்! திமுக எதிர்பார்த்தது நடக்குமா?

கை வண்ணத்தை காட்டிய மாணவர்கள்!

அதன்படி இப்பள்ளியில் பயிலும் மாணவ, மாணவிகள் தமிழ்நாடு முதல்வரின் படத்தை தங்களது கை வண்ணத்தில் தீட்டி முதல்வரின் 70 வயதை குறிக்கும் விதமாக முதல்வரின் படங்களுடன் 70 எண் வடிவில் நின்றும், அதேபோல் முதல்வரின் படத்துடன் முதல்வர் பள்ளி மாணவர்களுக்கு அளித்துள்ள பல்வேறு திட்டங்களின் பெயர்களை பட்டியலிட்டு அதனுடன் அவருக்கு பிறந்த நாள் வாழ்த்துக்கள் தெரிவித்தும் அதனை வீடியோவாக பதிவு செய்து வெளியிட்டுள்ளனர்.

ஓபிஎஸ்ஸுக்கு காத்திருக்கும் பேராபத்து -அடித்து ஆடும் எடப்பாடி! மீண்டும் இடைத்தேர்தலா?

தமிழக முதல்வரின் பிறந்த நாளுக்கு அங்கம்பாக்கம் அரசு பள்ளி மாணவர்கள் தெரிவித்துள்ள பிறந்த நாள் வாழ்த்துக்கள் அடங்கிய வீடியோவானது சமூக வலைத்தளங்களில் நல்ல வரவேற்பு பெற்று வருகிறது.