நடுக்கடலில் கவிழ்ந்த படகு.. தத்தளித்த மீனவர்கள்.. வெளியான பரபரப்பு வீடியோ!

கன்னியாகுமரி மாவட்டம் முட்டம் மீனவ கிராமத்தை சேர்ந்தவர் கில்பர்ட். இவருக்கு சொந்தமான விண்ணேற்பு மாதா என்ற விசைப்படகில் முட்டம் மீன்பிடி துறைமுகத்தில் இருந்து ஓட்டுனர் மதன் தலைமையில் கடந்த 22-ம் தேதி குமரி மாவட்ட மீனவர்கள் 12‌ பேர் மற்றும் வட மாநிலத்தை சேர்ந்த மீனவர்கள் 7 பேர் என 19 பேர் ஆழ்கடல் மீன்பிடி தொழிலுக்கு சென்றுள்ளனர். விசைப்படகானது 40-கடல் மைல் தொலைவில் நடுக்கடலில் 24-ம் தேதி சனிக்கிழமை அதிகாலை மீன்பிடி தொழிலில் ஈடுபட்டு கொண்டிருந்த போது எதிர்பாராத விதமாக எழுந்த கடல் அலையில் சிக்கி விபத்துக்குள்ளாகி மூழ்க தொடங்கியுள்ளது.


விசைப்படகில் இருந்த 19-மீனவர்களும் கடல் தண்ணீரில் தத்தளித்தப்படி இருந்துள்ளனர். இந்த நிலையில் அந்த வழியாக சென்ற விசைப்படகு மீனவர்கள் கடலில் தத்தளித்த 19-மீனவர்களையும் பத்திரமாக மீட்டு நிகாஷ் என்ற விசைப்படகு மூலம் முட்டம் மீன்பிடி துறைமுகத்திற்கு அனுப்பி வைத்தனர்.

நாகர்கோவில் வியாபாரிக்கு அரிவாள் வெட்டு - சரணடைய சென்றபோது மாரடைப்பால் உயிரிழப்பு

இதுகுறித்து குளச்சல் கடல் காவல் நிலைய போலீசார் விசாரணை நடத்தி வரும் நிலையில், தற்போது அந்த படகு நடுக்கடலில் விபத்துக்குள்ளாகி மூழ்கும் பரபரப்பு வீடியோ காட்சிகள் தற்போது வெளியாகியுள்ளது.