அய்யர்மலை ஸ்ரீ ரத்தினகிரீஸ்வரர் கோயில்: நேர்த்திக்கடன் செலுத்திய பக்தர்கள்!

கரூர் மாவட்டம், குளித்தலை அருகே அய்யர்மலையில் புகழ்பெற்ற ஸ்ரீ சுரும்பார் குழலி உடனுறை ரத்தினகிரிஸ்வரர் திருக்கோவில் அமைந்துள்ளது. மலை உச்சியில் 1017 படிக்கட்டுகளுடன் அமைந்துள்ள இந்த சிவஸ்தலம் ஆனது மிகவும் பிரசித்தி பெற்ற சிவஸ்தலம் ஆகும்.

இந்த சிவஸ்தலத்தின் மலையின் மேல் காகங்கள் பறப்பது இல்லை. மேலும் அய்யர் மலை ஆனது மாணிக்க மலை, வாட் போக்கி மலை, ஐவர் மலை என்றும் அழைக்கப்படுகிறது. இந்த சிவஸ்தளத்தில் ஆண்டு தோறும் கார்த்திகை மாதம் திங்கட்கிழமைகளில் சோமவார விழா கொண்டாடப்படுவது வழக்கம்.

அதன்படி இன்று கார்த்திகை மாதம் மூன்றாவது திங்கட்கிழமையை முன்னிட்டு சோமவார விழா நடைபெற்றது. இதில் அய்யர்மலை கோவில் குடி பாட்டு காரர்கள், பக்தர்கள் ஏராளமானோர் மலை உச்சியில் உள்ள ரத்தினகிரீஸ்வரரை தரிசித்து வழிபட்டனர்.
கருரில் மத்திய அரசு திட்டத்தின் கீழ் வங்கிக் கடன் வழங்கிய பாஜக!
மூன்றாவது சோமவாரத்தை முன்னிட்டு கரூர், திண்டுக்கல், நாமக்கல், திருச்சி என தமிழகம் முழுவதும் பல்வேறு மாவட்டங்களில் இருந்து லட்சக்கணக்கான பக்தர்கள் வந்து சாமி தரிசனம் செய்து வருகின்றனர்.

மேலும், விவசாயிகள் தங்கள் விளை நிலங்களில் விளைவித்த நெல், கடலை உள்ளிட்ட பயிர்களை மலையின் வழிநெடுங்கிலும் தூவியும், நேர்த்திக்கடன் நிறைவேறிய பக்தர்கள் கோழி, மாடு கன்று குட்டிகளை கோவிலுக்கு நேர்த்தி கடனாக செலுத்தியும் தங்களது நேர்த்திக்கடனை நிறைவேற்றி சுவாமி தரிசனம் செய்தனர்.

நான்காவது சோமவரம் நிகழ்வான அடுத்த திங்கட்கிழமை பக்தர் ஒருவர், உருண்டு கொண்டே மலை மீது ஏறி இறங்கி தரிசனம் செய்யவுள்ளார் என்பது குறிப்பிடத்தக்கது.