மருத்துவப் படிப்பு: தமிழகத்தின் 11 கல்லூரிகளையும் சேத்துக்குங்க

2020-21 -ம் ஆண்டிற்கான எம்.பி.பி.எஸ். மற்றும் பி.டி.எஸ். படிப்பிற்கான மருத்துவ கலந்தாய்வில், தமிழகத்தின் 11 புதிய அரசு மருத்துவ கல்லூரிகளையும் சேர்க்க வேண்டும் என்று உயர்நீதிமன்ற மதுரை கிளையில் வழக்குப் பதிவு செய்யப்பட்டுள்ளது.

மருத்துவப் படிப்புக்கான கலந்தாய்வுக்கு, கல்லூரிகளின் பட்டியல் விரைவில் வெளியாகவுள்ளது. இதில் தமிழகத்தின் புதிய மருத்துவக் கல்லூரிகள் 11ம் சேர்க்கப்படவில்லை. இந்நிலையில், மதுரையைச் சேர்ந்த வாசுதேவா என்பவர் உயர் நீதிமன்ற மதுரை கிளையில் பொதுநல மனு தாக்கல் செய்திருந்தார்.

அந்த மனுவில், “தற்போது நடைபெறும் கலந்தாய்வில் 11 அரசு மருத்துவ கல்லூரிகளை கலந்தாய்வு பட்டியலில் சேர்த்தால், மருத்துவ படிப்பிற்கான இட ஒதுக்கீடு சதவீதம் அதிகரிக்கும், இதனால் பல மாணவர்கள் பயனடைவார்கள்.

வைகை ஆற்றில் நுரை... வியக்க வைக்கும் காட்சிகள்
எனவே 2020-21 ஆம் ஆண்டு எம்.பி.பி.எஸ். மற்றும் பி.டி.எஸ். மருத்துவ கலந்தாய்வில் புதிதாக தொடங்கப்பட்டுள்ள 11 அரசு மருத்துவ கல்லூரிகளை சேர்க்க உத்தரவிட வேண்டும் என கோரிக்கை வைத்திருந்தார்.

இந்த வழக்கு உயர்நீதிமன்ற மதுரைக் கிளையில் விரைவில் விசாரணைக்கு வர உள்ளது.