மாட்டுவண்டி பந்தயம்... சீறிப்பாய்ந்த மாடுகள்: பார்வையாளர்கள் உற்சாகம்!

மேலூர் அருகே ரேக்ளா ரேஸ் நண்பர்கள் சார்பாக நடைபெற்ற மாட்டுவண்டி பந்தயம் நடைபெற்றது. இருபிரிவுகளாக நடைபெற்ற போட்டியில் 17 ஜோடி மாடுகள் பங்கேற்று பந்தைய தூரத்தை சீறிப்பாய்ந்து கடந்ததை கண்டு பார்வையாளர்கள் உற்சாகமாகடைந்தனர்.

மதுரை மாவட்டம் மேலூர் அருகே தெற்குதெருவில் ரேக்ளாரேஸ் நண்பர்கள் சார்பில் மாட்டு வண்டி பந்தயம் நடைபெற்றது. தெற்குதெரு - திருவாதவூர் சாலையில் பெரியமாடு மற்றும் சின்னமாடு என இரு பிரிவுகளாக நடைபெற்ற இந்த மாட்டு வண்டி பந்தயத்தில், பெரியமாட்டிற்கான 12 கிலோமீட்டர் தூரம் கொண்ட பிரிவில் 7 ஜோடி மாடுகளும், சின்னமாட்டிற்கான 8 கிலோமீட்டர் தூரம் கொண்ட பிரிவில், 12 ஜோடி மாடுகள் என 17 மாட்டுவண்டிகள் பங்கேற்று பந்தய தூரத்தை சீறி பாய்ந்து கடந்து வந்தது.

இதில் பெரியமாடு பிரிவில் குருத்தூர் பாண்டியராஜன் மாடு முதல் பரிசும், உலகுபிச்சான்பட்டி ரமேஷ்ராஜா மாடு இரண்டாவது பரிசும், மாங்குளம் தெய்வேந்திரன் மாடு மூன்றாம் பரிசும் பெற்றது. அதேபோல் சின்னமாடு பிரிவில் பூலாங்குளம் தொட்டசியம்மன் மாடு முதல் பரிசும், திருவாதவூர் எஸ்.எம் பிரதர்ஸ் மாடு இரண்டாம் பரிசும், ஒக்கூர் முத்துலெட்சுமி மாடு மூன்றாம் பரிசும் பெற்றது.

கப்பலூர் சுங்கச்சாவடியை அகற்ற வலியுறுத்தி உண்ணாவிரத போராட்டம்!
வெற்றி பெற்ற மாட்டுவண்டி உரிமையாளர்களுக்கும், சாரதிகளுக்கும் பரிசுதொகை மற்றும் நினைவு கோப்பையும் வழங்கப்பட்டன. இந்த மாட்டுவண்டி பந்தையத்தினை சாலையின் இருபுறங்களிலும் ஏராளமான பொதுமக்கள் நின்று மகிழ்ச்சி ஆரவாரத்துடன் கண்டுகளித்தனர். விழாவிற்கான ஏற்பாடுகளை எம்.எம்.ஏ ரேக்ளாரேஸ் குழு நண்பர்களும், மாட்டுவண்டி பந்தைய உரிமையாளர்களும் செய்திருந்தனர்.