மதுரை மீனாட்சியை தரிசித்த முதல்வர்!

தமிழகத்தில் கொரோனா தடுப்பூசி முகாமை தொடக்கி வைப்பதற்காக முதல்வர் எடப்பாடி பழனிசாமி இன்று மதுரை சென்றிருந்தார். மதுரை பிரபல அரசு மருத்துவமனையான ராஜாஜி மருத்துவமனையில் தடுப்பூசி போடும் பணியை இன்று காலை 11 மணி அளவில் அவர் தொடக்கி வைத்தார்.

அதனை தொடர்ந்து மதுரையில் பல்வேறு நிகழ்ச்சிகளில் பங்கேற்ற முதல்வர் எடப்பாடி கே.பழனிச்சாமி உலக பிரசித்திபெற்ற மதுரை மீனாட்சியம்மன் கோயிலில் சாமி தரிசனம் செய்தார்.

அங்கு முதல்வருக்கு கோயில் நிர்வாகத்தின் சார்பில் பூரண கும்ப மரியாதை அளிக்கப்பட்டது. சாமி தரிசனம் செய்த முதல்வர், கோயிலுக்கு வெளியே காத்திருந்த மக்களை சந்தித்து வணக்கம் தெரிவித்தார்.

எம்.ஜி.ஆர்., ஜெயலலிதாவுக்கு கோயில்... சிலை பிரதிஷ்டை செய்து அபிஷேகம்

இந்த நிகழ்வில் அமைச்சர்கள் செல்லூர் கே.ராஜு, ஆர்.பி.உதயகுமார் மற்றும் சட்டமன்ற உறுப்பினர்கள் உடன் இருந்தனர்.

முன்னதாக இன்று காலை, மதுரை அலங்காநல்லூர் ஜல்லிக்கட்டு போட்டியை முதல்வர் இபிஎஸ், துணை முதல்வர் ஓபிஎஸ் ஆகியோர் கொடியசைத்து துவக்கி வைத்தனர்.