ஆப்நகரம்

மதுரை கலைஞர் பிரம்மாண்ட நூலகத்தால் பென்னிகுக் இல்லத்திற்கு ஆபத்து?

கலைஞர் நினைவு நூலகம் அமைந்துள்ள இடத்தில் பொதுப் பணித்துறைக்குச் சொந்தமான பென்னிகுக் நினைவு இல்லத்திற்கு ஆபாது வந்துவிடக் கூடாது என விவசாயிகள் போர் கொடி தூக்கியுள்ளனர்.

Samayam Tamil 30 Jul 2021, 3:15 pm
Samayam Tamil மதுரை கலைஞர் பிரம்மாண்ட நூலகத்தால் பென்னிகுக் இல்லத்திற்கு ஆபத்தா?: விவசாயிகள் உரிமைக் குரல்!
மதுரை நத்தம் சாலையில் உள்ள பொதுப்பணித்துறைக்குச் சொந்தமான இடத்தில் கலைஞர் நினைவு நூலகம் கட்ட தமிழ்நாடு அரசு முடிவு செய்துள்ளது.

அதேவேளை இந்த கலைஞர் நினைவு நூலகம் கட்டவுள்ள இடத்தில் முல்லைப் பெரியாறு அணையைக் கட்டிய கர்னல் பென்னிகுக் வாழ்ந்த இல்லம் உள்ளதால் கர்னல் பென்னிகுக் வாழ்ந்த இல்லத்தை அகற்றி விட்டு கலைஞர் நினைவு நூலகம் கட்ட கூடாது எனப் பெரியார்-வைகை பாசன ஆயக்கட்டு விவசாயிகள் சங்க கூட்டமைப்பு சார்பில் ஆட்சியரிடம் மனு கொடுக்கப்பட்டது.

பின்னர் செய்தியாளர்களிடம் பேசிய பெரியார்-வைகை பாசன ஆயக்கட்டு விவசாயிகள் சங்க கூட்டமைப்பு ராமன் கூறுகையில், “5 மாவட்ட விவசாயிகளின் வாழ்வில் ஒளியேற்றியவர் கர்னல் பென்னிகுக், கரிகால சோழன் காவேரியில் கல்லணை கட்டிய போல் முல்லைப் பெரியாற்றில் அணை கட்டியவர்.

பென்னிகுக், மதுரையில் பென்னிகுக் வாழ்ந்த இல்லத்தை அகற்றி நூலகம் கட்டும் முடிவைத் தமிழ்நாடு அரசு கைவிட வேண்டும். பென்னிகுக் இல்லத்தை அகற்றும் முடிவைக் கைவிடவில்லை என்றால் 5 மாவட்ட விவசாயிகளைத் திரட்டி போராட்டம் நடத்தப்படும்” எனக் கூறினார்.

அடுத்த செய்தி