மதுரை மீனாட்சி திருக்கல்யாணம் : ஃபேஸ்புக், யூடியூபில் நேரடி ஒளிபரப்பு!!

மதுரை மீனாட்சி சுந்தரேசுவரர் திருக்கல்யாணம் இந்து சமய அறநிலையத் துறையின் இணையதளம், ஃபேஸ்புக் உள்ளிட்ட சமூக வலைதளங்களில் இன்று (மே 4) காலை நேரடி ஒளிபரப்பு செய்யப்பட்டு வருகிறது.

கொரோனா வைரஸ் பரவலை தடுக்கும் நடவடிக்கையாக, தமிழகத்தில் உள்ள பிரபலமான அனைத்து கோயில்களிலும் பக்தர்கள தரிசனத்துக்கு தடை விதிக்கப்பட்டுள்ளது. பிரசித்த பெற்ற மதுரை மீனாட்சியம்மன் கோயிலிலும் இந்த தடை உள்ளது.

இந்த நிலையில், சித்தரை திருவிழாவின் முக்கிய நிகழ்வான மீனாட்சி சுந்தரேசுவரர் திருக்கல்யாண நிகழ்ச்சி இன்று (மே 4 ) காலை 8:30 மணி முதல் 10:15 மணி வரை நடைபெறுகிறது.

இந்த நிகழ்ச்சியை பக்தர்கள் தங்களது வீட்டிலிருந்தே பார்க்க வசதியாக, இந்து சமய அறநிலையத் துறையின் அதிகாரபூர்வ இணையதளமான www.tnhrce.gov.in, கோயிலின் இணையதளமான www.maduraimeenakshi.org ஆகியவற்றில் நேரடி ஒளிபரப்பாகிக் கொண்டு இருக்கிறது.

அத்துடன், திருக்கோயிலின் முகநூல் (ஃபேஸ்புக்) பக்கத்தில், youtube அலைவரிசையிலும் நேரடியாக ஒளிபரப்பாகி வருகிறது. இதை ஏற்கனவே இந்து சமய அறநிலையத் துறை தெரிவித்து இருந்தது.

இந்த வைபவத்தின்போது, காலை 9:05 முதல் 9:29 மணிக்குள், தாய்மார்கள் மங்கள நாண் மாற்றிக்கொள்ள உகந்த நேரமாகும் என்றும் இந்து சமய அறநிலையத் துறை தெரிவித்துள்ளது.