அதிமுக தொண்டர்களுக்கு உணவு சமைத்த ஆர்.பி.உதயகுமார்: ருசிகர சம்பவம்!

அதிமுக ஆலோசனை கூட்டத்தில் கலந்து கொண்ட அக்கட்சியின் தொண்டர்களுக்கு தனது குடும்பத்தினருடன் இணைந்து முன்னாள் அமைச்சர் ஆர்.பி.உதயகுமார் சமையல் செய்த வீடியோ வைரலாகி வருகிறது.

சொத்து வரி உயர்வு, மின் கட்டணம் உயர்வு, பால் விலை உயர்வு, விலைவாசி உயர்வு, சட்ட ஒழுங்கு சீர்கேடு உள்ளிட்டவற்றை கண்டித்தும், உயர்த்தப்பட்ட கட்டணங்களை உடனடியாக திரும்பபெற வலியுறுத்தியும் திமுக அரசுக்கு எதிராக வருகின்ற 9ஆம் தேதி பேரூராட்சி பகுதியிலும், 13ஆம் தேதி நகராட்சிகள் மற்றும் மாநகராட்சிகள் உள்ளிட்ட பகுதிகளிலும், வருகிற 14ஆம் தேதி அதிமுக சார்பில் மாபெரும் கண்டன ஆர்ப்பாட்டம் நடைபெறவுள்ளது.

இதுகுறித்து மதுரை புறநகர் மேற்கு மாவட்ட அதிமுக சார்பில் ஆலோசனைக் கூட்டம் டி.குன்னத்தூரில் உள்ள அம்மா கோவிலில் நடைபெற்றது. இதில் அதிமுக தொண்டர்கள், மூத்த நிர்வாகிகள் உள்ளிட்ட பலர் கலந்து கொண்டனர்.

இதனைத் தொடர்ந்து கழக நிர்வாகிகளுக்கு உணவுகளை சமைத்திட சமையல் கலைஞர்கள், தனது தாயார் மீனாள், தனது மகள் பிரியதர்ஷினி ஆகியோருடன் இணைந்து, முன்னாள் அமைச்சர் ஆர்.பி. உதயகுமார் சமையல் பணிகள் ஈடுபட்டார்.

பிரதமர் வீடு திட்டத்தில் முறைகேடு: ரூ.1.5 கோடி வசூலிக்க கோரிக்கை!
சாம்பார், புளி குழம்பு, கூட்டு பொறியல் ஆகியவற்றிறகு தேவையான காய்கறிகளை வெட்டியும், தனது குடும்பத்தின் சார்பில் உணவுகளை தயாரித்தும் ஆர்.பி.உதயகுமார் சமையல் பணிகளில் ஈடுபட்டார். அப்போது சமையல் கலைஞர்கள் அவரை பாராட்டினர். அதிமுக தொண்டர்களுக்கு தனது குடும்பத்தினருடன் இணைந்து முன்னாள் அமைச்சர் ஆர்.பி.உதயகுமார் சமையல் செய்த வீடியோ வெளியாகி தற்போது வைரலாகி வருகிறது.