மதுரையில் ரம்ஜான் சிறப்பு தொழுகை: திரைப்பட இயக்குனர் அமீர் பங்கேற்பு!

ரம்ஜான் பண்டிகை

சவுதி அரேபியா உள்ளிட்ட வளைகுடா நாடுகளில் ரமலான் பிறை தென்பட்டதையடுத்து தொடர்ந்து மதுரை மாவட்டத்தில் ஜாக் அமைப்புகளை சேர்ந்த ஏராளமான இஸ்லாமியர்கள் இன்று ரம்ஜான் பண்டிகையை கொண்டாடினர். ரம்ஜான் சிறப்பு தொழுகை

ரம்ஜான் பண்டிகையை முன்னிட்டு மதுரையில் பல்வேறு பகுதிகளில் ஜாக் அமைப்பு இஸ்லாமியர்கள் ரம்ஜான் சிறப்பு தொழுகையில் ஈடுபட்டனர்.

சிறப்பு திடல் தொழுகை

குறிப்பாக, மதுரை தமுக்கம் மைதானத்தில் ஈதுல் பித்ரு எனப்படும் சிறப்பு திடல் தொழுகை நடைபெற்றது.
இதில் ஆண்கள், பெண்கள் சிறுவர்கள் என 500 க்கும் மேற்பட்ட இஸ்லாமியர்கள் கலந்துகொண்டு புத்தாடை அணிந்து சிறப்பு தொழுகையில் ஈடுபட்டனர்.
மதுரைக்கு வரும் குஜராத் ரயில் - சவுராஷ்டிரா தமிழ் சங்கமம் செல்வோர் கவனத்திற்கு...
இயக்குனர் அமீர் பங்கேற்பு

இதில் திரைப்பட இயக்குனரும் நடிகருமான அமீர் கலந்துகொண்டு சிறப்பு தொழுகையில் ஈடுபட்டார்.
தொழுகையை முடித்து உலக நன்மை வேண்டியும், மழை பொழிய வேண்டியும் உலக அமைதி நிலவ வேண்டும் என்றும் துஆ செய்தனர்.

ரமலான் வாழ்த்துகள்

தொடர்ந்து உறவுகளையும் நண்பர்களையும் ஒவ்வொருக்கொருவர் ஆரத்தழுவி ரமலான் வாழ்த்துகள் தெரிவித்துகொண்டனர். பின்னர் ஏழை எளியவர்களுக்கு உதவிகளை செய்து ரம்ஜான் பெருநாளை இஸ்லாமிய மக்கள் உற்சாகமாக கொண்டாடினார்கள்.