மதுரை விமான நிலையத்தில் ஸ்டாலினோடு சேர வந்த அதிமுக முன்னாள் எம்எல்ஏ!

திருமங்கலம் தொகுதி முன்னாள் எம்எல்ஏவும் தற்போதைய அதிமுக அமைப்புச் செயலாளராகவும் உள்ள முத்துராமலிங்கம் திமுக தலைவர் மு. க ஸ்டாலின் முன்னிலையில் திமுகவில் இணைந்தார்.

திருமங்கலம் சட்டமன்ற தேர்தலில் போட்டியிடும் திமுக வேட்பாளர் மணிமாறனை ஆதரித்து திமுக தலைவர் ஸ்டாலின் பிரச்சாரம் மேற்கொண்டிருந்தார். அதை முடித்துவிட்டு சென்னை செல்வதற்காக மதுரை விமான நிலையம் சென்றிருந்தார்.

அப்போது அங்கு ஸ்டாலினைச் சந்திக்க வந்த திருமங்கலம் அதிமுக முன்னாள் எம்எல்ஏ முத்துராமலிங்கம் தனது ஆதரவாளர்களுடன் திமுகவில் இணைந்தார்.

உயிரைக் கொடுப்பேன் என கொரோனாவை பரப்பும் செல்லூர் ராஜு!

இந்நிகழ்வின் போது முன்னாள் திமுக சட்டமன்ற சபாநாயகர் சேடப்பட்டி முத்தையா மற்றும் திருமங்கலம் சட்டமன்ற வேட்பாளர் மணிமாறன் ஆகியோர் உடனிருந்தனர்.

முன்னாள் சபாநாயகர் சேடப்பட்டி முத்தையாவின் மூத்த மகனும் திருமங்கலம் திமுக வேட்பாளர் மணிமாறனின் சகோதரருமான அறிவழகன் அமைச்சர் ஆர். பி உதயகுமார் முன்னிலையில் அதிமுகவில் இணைந்தது குறிப்பிடத்தக்கது.