அதிமுக எம்எல்ஏ தாத்தாவுக்கு 6ஆம் வகுப்பு பேத்தி பிரச்சாரம்!

மதுரை திருப்பரங்குன்றம் தொகுதி அதிமுக வேட்பாளர் ராஜன் செல்லப்பா. ஆளும் கட்சி வேட்பாளர் என்பதால் பிரச்சாரம் ஒருபுறம் தடாலடியாக நடந்து வருகின்றது.

அதேவேளை ராஜன் செல்லப்பாவின் பேத்தியும் அதிமுகவுக்கு வாக்கு சேகரிக்கும் பணியைச் செய்து வருகிறார். ராஜன் செல்லப்பா மகனின் இரண்டாவது மகள் அதிதி. ஆறாம் வகுப்பு படித்து வருகிறார்.

அதிதி காலை தங்கள் வீட்டிலிருந்து மக்களிடம் ஓட்டு கேட்டபடி பிரச்சாரத்தைத் தொடங்கியுள்ளார். சிறுமியின் இந்தச் செயல் வாக்காளர்களைக் கவரும் வகையில் உள்ளது.

வேட்பு மனு தாக்கலின்போதே மக்களின் இதயங்களை வென்ற சுயேச்சை!

அப்போது பேசிய சிறுமி அதிதி, “எனது தாத்தாவிற்கு ஓட்டு போடுங்க” எனத் தொடங்கி ராஜன் செல்லப்பா பக்கம் நின்று இரட்டை இலை சின்னம் உள்ளிட்ட விளக்கங்களைக் கூறியுள்ளார்.

அதன்பின் அங்கிருந்து புறப்பட்டு திருப்பரங்குன்றம் வட்டாட்சியர் அலுவலகத்திற்கு ராஜன் செல்லப்பா நேரில் சென்று வேட்பு மனுத் தாக்கல் செய்தார்.