கேன்சர் பாதித்த நடிகர் தவசிக்கு, திமுக எம்எல்ஏ உதவிக்கரம்!

தேனி மாவட்டம் கோணாம் பட்டி கிராமத்தைச் சேர்ந்த நடிகரான தவசி கிழக்கு சீமை படத்தில் தொடங்கி 25க்கும் மேற்பட்ட படங்களில் நடித்துள்ளார். கடைசியாகத் தனியார் தொலைக்காட்சியால் ராசாத்தி என்ற நாடக படப்பிடிப்பின் போது ஏற்பட்ட காயத்தையடுத்து மருத்துவமனையில் சிகிச்சைக்காக அனுமதிக்கப்பட்டார்.

நடிகர் ரஜினிகாந்த் நடித்துவரும் அண்ணாத்தே படத்தில் நடித்த நிலையில் புற்றுநோய் பாதிப்பு காரணமாக மதுரை நரிமேடு பகுதியிலுள்ள சரவணா மருத்துவமனையில் அனுமதிக்கப்பட்டு சிகிச்சை பெற்றுவருகிறார். இந்நிலையில் அடையாளம் தெரியாத அளவிற்கு அவர் மாறியுள்ளார்.

வருத்தப்படாத வாலிபர் சங்கம் படத்தில் ஒரு காட்சியில் கருப்பன் குசும்புக்காரன் என்ற காட்சி மூலமாகவும், நான் கடவுள் படத்திலும் பிரபலமான நிலையில் நடிகர் தவசி கடா மீசையுடன் கம்பீரமாக இருந்த நிலையில் தற்போது தலையில் முடி இன்றி மெல்லிய உடலோடு அடையாளம் தெரியாத அளவிற்கு மாறியுள்ளார்.

ஒபாமா, ட்ரம்ப் அங்கிகாரம் பெற்ற மதுரைக்காரர்...

இவரின் நாடக நடிகர் எம். கே. ஆர் ராதாகிருஷ்ணன் மற்றும் சமூக ஆர்வலர் ரத்தினவேல்பாண்டியன் ஆகியோர் திங்கட் கிழமை மருத்துவமனையில் நேரில் சந்தித்தனர்.

அப்போது நடிகர் தவசி தனது வாழ்வாதாரத்திற்கு உதவி செய்யக் கோரிக்கை விடுத்துள்ளார். இந்த காட்சி சமூகவலைதளங்களில் வெளியான நிலையில் நடிகர் விஜய் சேதுபதி, சமுத்திரக்கனி உள்ளிட்ட பிரபலங்கள் உதவி செய்வதாகக் கூறியுள்ளனர்.

இதற்கிடையே, அவருக்கு வழங்கப்படும் சிகிச்சைக்கான செலவைத் திருப்பரங்குன்றம் திமுக எம்எல்ஏ சரவணன் தனது தொண்டு நிறுவனமான சூர்யா ஏற்றுக் கொண்டுள்ளதாக அறிக்கை வெளியிட்டுள்ளார்.