கம்பு எடுத்த அன்புமணி ராமதாஸ்.. பொதுமக்கள் ஆரவாரம்‌‌.. வைரலாகும் வீடியோ!

சிலம்பம் சுற்றிய அன்புமணி ராமதாஸ் வீடியோ தற்போது சமூக வலைதளங்களில் வைரலாகி வருகிறது. மயிலாடுதுறை மாவட்டம் கொள்ளிடம் அடுத்த அளக்குடி -திருக்கழிப்பாலை இடையே கடல்நீர் உட்புகுவதை தடுக்கும் வகையில் தடுப்பணை கட்ட வலியுறுத்தி பாமக தலைவர் அன்புமணிராமதாஸ் அளக்குடி‌‌ கொள்ளிடம் ஆற்றின் பகுதியில் நேரில் சென்று பார்வையிட்டார். முன்னதாக சிதம்பரத்திலிருந்து மயிலாடுதுறை மாவட்டம் கொள்ளிடம் பகுதிக்கு வருகைதந்த அன்புமணியை வரவேற்க பாமக சார்பில் மாவீரன் சிலம்பாட்ட குழுவை சேர்ந்த சிலம்பம் கற்றுவரும் மாணவர்கள் சிலம்பம், சுருள்வாள் சுற்றி வரவேற்பு அளித்தனர்.

தூங்கும் தமிழக அரசு?; தட்டி எழுப்பிய அன்புமணி ராமதாஸ்!

அப்போது காரை விட்டு இறங்கிய அன்புமணி ராமதாஸ் மாணவர் ஒருவரிடம் சிலம்பத்தை வாங்கி சிறிது நேரம் சுற்றினார். அவருடன் மாணவர்களும் இணைந்து சிலம்பம் சுற்றினர். அதனை சுற்றி இருந்த பொதுமக்கள் கைத்தட்டி, ஆரவாரம் செய்து மகிழ்ந்தனர். இந்த காட்சி தற்போது சமூக வலைதளங்களில் வைரலாகி பரவிவருகிறது.