கரு.பழனியப்பனுக்கு வந்தது மிரட்டல்; சினிமா வட்டாரம் ஷாக்!

முக்குலத்துப்புலிகள் கட்சியின் நிறுவன தலைவர் ஆறு.சரவணத்தேவர் வெளியிட்டுள்ள அறிக்கையில் கூறியிருப்பதாவது:


பிரபல திரைப்பட இயக்குனர் மற்றும் சின்னத்திரை நிகழ்ச்சி தொகுப்பாளராக இருக்கும் கரு.பழனியப்பன் நடிப்பில் கள்ளன் என்ற பெயரில், உருவாகும் தமிழ் திரைப்படத்தின் அறிவிப்பு வெளியாகி இருக்கிறது.

1ம் வகுப்பு சேர புதிய கட்டுப்பாடு; அதிர்ச்சியில் உறைந்த பெற்றோர்!
இதில் 4 குற்றவாளிகள் காவல் துறையால் கைகட்டி உட்கார வைக்கப்பட்டுள்ளதாக காட்சியமைக்கப்பட்டு உள்ளது. இந்த படத்துக்கு கள்ளர் இன மக்களின் சாதி பெயரை குறிக்கும் வகையில் கள்ளன் என பெயரிடப்பட்டுள்ளது.

தமிழ்நாட்டில் வேண்டும் என்றே திட்டமிட்டு சாதி கலவரம் மற்றும் வன்முறையை தூண்டும் விதமாக உள்நோக்கத்துடன் இந்த படத்துக்கு படக்குழுவினர் இப்படி ஒரு பெயர் வைத்துள்ளனர்.

படையை திரட்டும் சசிகலா; பீதியில் அதிமுக தலைமை!
ஒரு குறிப்பிட்ட சர்ச்சைக்குரிய தலைப்பை வைத்து பிரச்சினைகளை தூண்டி, அதனால் வரும் நெகட்டிவ் பப்ளிசிட்டியால் படத்துக்கு விளம்பரம் தேடும் மலிவான செயல் தமிழ் திரைத்துறையில் சமீபகாலமாக நடந்து வருகிறது.

இதற்காக கள்ளர் சமுதாய மக்களை சீண்டினால், அதற்கான எதிர்விளைவுகளை படக்குழுவினர் சந்திக்க நேரிடும். எனவே, இதற்கு கடும் கண்டனம் தெரிவிப்பதோடு இந்த படத்தின் தலைப்பை உடனடியாக மாற்ற வேண்டும் என இந்த படக்குழுவை வலியுறுத்துகிறேன். இவ்வாறு முக்குலத்து புலிகள் கட்சி நிறுவன தலைவர் ஆறு.சரவணத்தேவர் வெளியிட்டுள்ள அறிக்கையில் கூறியுள்ளார்.