கார் பதிவெண்ணை ரூ.60 கோடிக்கு வாங்கிய இந்திய தொழிலதிபர்

துபாய்: துபாயைச் சேர்ந்த இந்திய தொழிலதிபர் ஒருவர் ரூ.60 கோடிக்கு தனித்துவமான கார் பதிவெண்ணை ஏலத்தில் வாங்கி இருக்கிறார்.

துபாயைச் சேர்ந்த போக்குவரத்து அதிகாரிகள் தனித்துவமான வாகனப் பதிவெண்களை இரண்டு மாதங்களுக்கு ஏலம் விடுவது வழக்கம் . இந்த இரண்டு மாதங்களுக்கான ஏலம் சில நாட்கள் முன்பு நடைபெற்றது. அந்த ஏலத்தில் தனித்துவமான 80 வாகன பதிவெண்கள் ஏலத்தில் விடப்பட்டன. மேலும் இந்த நிகழ்ச்சியில் 300-க்கு மேற்பட்டடோர் கலந்து கொண்டனர்.

துபாயில் ரியல் எஸ்டேட் நிறுவனம் நடத்திவரும் இந்தியாவைச் சேர்ந்த தொழிலதிபரான பல்வின்டர் சகானி "டி5" என்ற பதிவெண்ணை ரூ.60 கோடிக்கு ஏலத்தில் எடுத்து அனைவரையும் ஆச்சரியத்தில் ஆழ்த்தினார்.

இதுகுறித்து அவர் கூறுகையில் " இந்த பதிவெண்ணை போன்று இதற்கு முன்பாக தனித்துவமான பத்து எண்களை ஏலத்தில் எடுத்துள்ளேன். இந்த டி5 பதிவெண்ணை என்னுடைய ரோல்ஸ் ராய் காருக்கு பொருத்த இருக்கிறேன் " என்று கூறினார்.
English Summary : An Indian businessman has paid around Rs 60 crore at an auction to grab a single-digit car registration plate in Dubai, feeding a passion for “unique” number plates.