ஆப்நகரம்

நாயகன் பட பாணியில் இந்திய வம்சாவளி நிழல் உலக தாதா சுட்டுக் கொலை!

இந்திய வம்சாவளியை சேர்ந்த நிழல் உலக தாதா தென் ஆப்பிரிக்காவில் சுட்டுக் கொல்லப்பட்ட சம்பவம் பரபரப்பை ஏற்படுத்தியுள்ளது

Samayam Tamil 6 Jan 2021, 4:51 pm
தென் ஆப்பிரிக்காவில் உள்ள ஷால்கிராஸ் நகரில் வசித்து வந்தவர் யகநாதன். இந்திய வம்சாவளியான இவர், போதைப்பொருள் கடத்தல், ஆயுத விற்பனை போன்ற சட்டவிரோத நடவடிக்கைகளில் ஈடுபட்டு அந்நாட்டில் நிழல் உலக தாதாவாக திகழ்ந்து வந்தவர்.
Samayam Tamil கோப்புப்படம்
கோப்புப்படம்


சட்ட விரோதமான செயல்களில் அவர் ஈடுபட்டு வந்தாலும், அதன் மூலம் ஈட்டப்படும் பணத்தைக் கொண்டு தனது சமூகம் சார்ந்த மக்களுக்கு பல்வேறு உதவிகளை செய்து வந்துள்ளார். இதனால், நாயகன் திரைப்படத்தில் வரும் கமல் போன்று வாழ்ந்து வந்துள்ளார். அதேசமயம், சட்ட விரோத குற்றச்செயல்களில் ஈடுபட்டு வந்ததால் இவருக்கு தொழில்முறை எதிரிகளும் ஏராளமாக இருந்துள்ளனர்.

இந்த நிலையில், யகநாதன் தனது வீட்டில் தமது இரண்டு மகள்களுடன் இருந்த போது, மர்ம நபர்கள் 2 பேர் அவரது வீட்டின் கதவை தட்டியுள்ளனர். தொடர்ந்து, யாரென்று பார்ப்பதற்காக யாகநாதன் கதவை திறந்தபோது, தாங்கள் மறைத்து வைத்திருந்த துப்பாக்கியை கொண்டு யாகநாதனை அவர்கள் சரமாரியாக சுட்டுள்ளனர்.

என்.ஆர்.ஐ. மக்களுக்கு ஹேப்பி நியூஸ்: செலவு மிச்சம், அப்புறம் பெரிய திருப்தி!

இதில், யாகநாதன் ரத்த வெள்ளத்தில் சம்பவ இடத்திலேயே துடிதுடித்து உயிரிழந்தார். அதன்பிறகு மர்ம நபர்கள் இருவரும் தப்பி செல்ல முயன்ற போது, அவர்களை விரட்டி பிடித்த அப்பகுதி மக்கள் அவர்கள் இருவரையும் சரமாரியாக தாக்கி கத்தியால் குத்தி கொலை செய்தனர். இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.

அடுத்த செய்தி