மடிசாரில் கலக்குவாரா கமலா ஹாரிஸ்? பதவியேற்பு விழாவில் எகிறும் எதிர்பார்ப்பு!

அமெரிக்க அதிபராக ஜோ பைடன், துணை அதிபராக கமலா ஹாரிஸ் இன்று (ஜனவரி 20) பதவியேற்கவுள்ளனர். இதில் அமெரிக்க வாழ் இந்தியரான கமலா ஹாரிஸின் பதவியேற்பு விழாவை வெகு சிறப்பாக கொண்டாடி மகிழ இந்தியர்கள் திட்டமிட்டுள்ளனர். குறிப்பாக அமெரிக்க வாழ் தமிழர்கள் பல்வேறு சிறப்பு ஏற்பாடுகளைச் செய்துள்ளனர். கமலா ஹாரிஸின் தாய் ஷியாமளா கோபாலன். இவர் பயோமெடிக்கல் விஞ்ஞானி. இந்தியாவில் இருந்து அமெரிக்காவிற்கு இடம்பெயர்ந்தவர். கமலா ஹாரிஸின் தந்தை ஜமைக்காவைச் சேர்ந்த டொனால்ட் ஹாரிஸ்.

இவர் ஒரு பொருளாதார வல்லுநர். ஸ்டான்போர்டு பல்கலைக்கழகத்தில் பேராசிரியர் ஆவார். இந்த சூழலில் பதவியேற்பு விழாவில் இந்தியாவின் பாரம்பரிய உடைகளில் ஒன்றான புடவை அணிந்து கொண்டு கமலா ஹாரிஸ் கலந்து கொள்வாரா என்ற எதிர்பார்ப்பு அதிகரித்துள்ளது. இதுதொடர்பாக தங்கள் விருப்பத்தை ஏராளமானோர் சமூக வலைதளங்களில் பதிவிட்டு வருகின்றனர்.

அமெரிக்க அதிபருக்கான சலுகைகள் இவ்வளவா? வாயை பிளக்க வைக்கும் அளவுக்கு இருக்கே!

முன்னதாக தேர்தல் பிரச்சாரத்தின் போது, நீங்கள் வெற்றி பெற்றால் பதவியேற்பு விழாவில் பாரம்பரிய இந்திய உடையான புடவையில் வருவீர்களா? என்று சிலர் கேள்வி எழுப்பினர். அதற்கு முதலில் வெற்றி பெறுவதில் கவனம் செலுத்துவோம் என்று கமலா ஹாரிஸ் பதிலளித்திருந்தார். பேஷன் டிசைனர் பிபு மோகபத்ரா தனது ட்விட்டரில், பதவியேற்பு விழாவில் அழகிய பனாரசி புடவையில் கமலா ஹாரிஸை பார்த்தாலும் ஆச்சரியப்படுவதற்கு இல்லை.

அதன் வலிமையை அவர் நன்றாக புரிந்து கொள்வார் என்று நினைக்கிறேன். இப்படியொரு விஷயத்தைப் பார்க்க நான் மிகவும் ஆர்வத்துடன் எதிர்பார்த்து காத்துக் கொண்டிருக்கிறேன். என்னைப் போல் தான் பலரும் இருக்கின்றனர்.

ஒரேயொரு மனு: அப்பா எஸ்.ஏ.சி. கட்சிக்கு ஆப்பு வைத்த விஜய்

இத்தகைய ஆடையை வடிவமைத்து தரும் வாய்ப்பு கிடைத்தால் அதனை நான் மிகவும் பெருமையான தருணமாக கருதுவேன் என்று குறிப்பிட்டுள்ளார். இந்த சூழலில் இளம் வயதில் தனது குடும்பத்தாருடன் எடுத்துக் கொண்ட புகைப்படத்தில் புடவையில் காட்சி தரும் கமலா ஹாரிஸ் இணையத்தில் வைரலாகி வருகிறார்.