புதுச்சேரி: மேலும் 2 ஆளுங்கட்சி எம்.எல்.ஏக்கள் ராஜினாமா

புதுச்சேரியில் தொடர்ந்து அதிரடியான அரசியல் மாற்றஙள் நிகழ்ந்து வருகின்றன. இந்நிலையில், வரும் 22ஆம் தேதி நம்பிக்கை வாக்கெடுப்பு நடைபெற உள்ளது. இதன் காரணமாக அனைத்து எம்.எல்.ஏக்களுக்கும் துப்பாக்கி ஏந்திய போலீஸ் பாதுகாப்பு போடப்பட்ட நிலையில், மேலும் இரண்டு எம்.எல்.ஏக்கள் ராஜினாமா செய்துள்ளனர்.

புதுச்சேரி காங்கிரஸ் கட்சியின் மற்றொரு எம்.எல்.ஏ லஷ்மிநாராயணன் தனது எம்.எல்.ஏ பதவியை ராஜினாமா செய்து அதற்கான கடிதத்தை சபாநாயகர் சிவக்கொழுந்துவிடம் வழங்கினார். இதனால் காங்கிரஸ் கட்சி பெரும்பான்மை இழந்துள்ளது.

இவரைத் தொடர்ந்து புதுச்சேரி மாநில தட்டாஞ்சாவடி தொகுதி திமுக எம்.எல்.ஏ. வெங்கடேசன் தனது எம்.எல்.ஏ பதவியை ராஜினாமா செய்து அதற்கான கடிதத்தை சபாநாயகர் சிவக்கொழுந்துவிடம் வழங்கினார்.

அழுகை அழுகையா வருது: விஜயகாந்தும், பிளஸ் 2 மாணவியும்

இதனையடுத்து தற்போது காங்கிரஸ் தரப்பில் 12 உறுப்பினர்களே உள்ளனர். எதிர் தரப்பில் 14 உறுப்பினர்கள் உள்ளனர் என்பது குறிப்பிடத்தக்கது.