புதுச்சேரி: ஒட்டுமொத்த அமைச்சரவையும் ராஜினாமா? என்ன செய்யப்போகிறார் நாராயணசாமி

புதுச்சேரி அரசியலில் தொடர் திருப்பங்கள் நடைபெற்று வருகின்றா. முதலில் அமைச்சர் நமசிவாயம், எம்.எல்.ஏ. தீப்பாய்ந்தான், எம்.எல்.ஏ மல்லாடி கிருஷ்ணராவ் ஆகியோரைத் தொடர்ந்து தற்போது எம்.எல்.ஏ. ஜான்குமாரும் பதவி விலகி உள்ளார். இதனையடுத்து ஆட்சி கவிழும் அபாயம் இருப்பதாக பேச்சுகள் எழுந்துள்ளன.

இந்நிலையில், முதல்வர் நாராயணசாமி தலைமையிலான ஒட்டுமொத்த அமைச்சரவையும் ராஜினாமா செய்ய இருப்பதாக அமைச்சர் கந்தசாமி தகவல் தெரிவித்துள்ளார்.

தொடர் ராஜினாமாக்களால் ஆட்சியின் பெரும்பான்மையை நிரூபிக்கக் கோரி எதிர்க்கட்சிகள் ஆளுநரிடம் கோரிக்கை வைக்கலாம். அப்படி ஒரு கணக்கெடுப்பு நடத்தப்படும் பட்சத்தில் அவையில் இருக்கும் உறூப்பினர்களின் எண்ணிக்கை அடிப்படையிலேயே முடிவுகள் அமையும்.

இந்நிலையில், ராஜினாமா செய்து விடுவது குறித்து முதல்வர் யோசிப்பது தொடர்பாக அமைச்சர் கந்தசாமி தெரிவித்துள்ளார். இத்துடன் புதுச்சேரியில் விரைவில் சட்டப்பேரவைத் தேர்தல் வரவிருப்பதும் கவனிக்கத்தக்கது.