ராஜினாமா செய்த காங்கிரஸ் எம்எல்ஏ அமித் ஷாவிடம் சரண்!

புதுச்சேரி மாநிலத்தில் கடந்த முறை காமராஜ் நகர் தொகுதியில் காங்கிரஸ் கட்சி சார்பில் நின்று வெற்றிபெற்ற ஜான்குமார் கடந்த 10 தினங்களுக்கு முன்பு தனது சட்டமன்ற உறுப்பினர் பதவியை ராஜினாமா செய்தார்.

தொடர்ந்து அவர் தனக்கு 3 தொகுதிகளைத் தரும் கட்சியில் இணைவேன் என்று கூறி வந்தார். இந்நிலையில் காரைக்காலில் இன்று நடைபெற்ற பாஜக பொதுக்கூட்டத்தில் கலந்துகொண்டிருந்தார்.

தொடர்ந்து அவர் உள்துறை அமைச்சர் அமித்ஷா முன்னிலையில் முன்னாள் காங்கிரஸ் சட்டமன்ற உறுப்பினர் ஜான்குமார் தன்னை இணைத்துக் கொண்டார்.

ஆயுதங்கள ஒப்படிச்சிருங்க புதுச்சேரிக்கு பூர்வா கார்க் கொடுத்த எச்சரிக்கை!

அதே போல் அவரது மகனையும் பாஜகவில் இணைத்தார். இதேபோல் லாஸ்பேட்டை காங்கிரஸ் சட்டமன்ற உறுப்பினர் சிவகொழுந்து சகோதரர் ராமலிங்கம், தட்டாஞ்சாவடி முன்னாள் திமுக சட்டமன்ற உறுப்பினர் வெங்கடேசன் ஆகியோர் அமித்ஷா முன்னிலையில் தங்களை பாஜகவில் இணைத்துக்கொண்டனர்.