புதுச்சேரியில் என்ன நடக்குது?; பாஜ மாநில தலைவர் விளக்கம்!

புதுச்சேரியில் நியமன எம்.எல்.ஏக்களாக மத்திய அரசால் நியமிக்கப்பட்ட 3 பாஜக நிர்வாகிகள் இன்று காலை பாஜக தலைமை அலுவலகம் வந்தனர். பின்னர் மாநில தலைவர் சாமிநாதனை சந்தித்து வாழ்த்து பெற்றனர்.

இதனை தொடர்ந்து மாநில தலைவர் சாமிநாதன் செய்தியாளர்களிடம் கூறியதாவது:

தேசிய ஜனநாயக கூட்டணியில் உள்ள என்.ஆர்.காங்கிரஸ் மற்றும் பாஜக இடையே 100% குழப்பம் இல்லை. சிலர் குழப்பம் செய்கின்றனர். முதலமைச்சர் ரங்கசாமி குணமடைந்து வந்த பின்னர் துணை முதல்வர் மற்றும் அமைச்சர்கள் பதவி ஏற்பு விழா நடைபெறும்.

ஓபிஎஸ்சை கடுப்பேத்தும் அதிமுக; இபிஎஸ் கை ஓங்குவதால் அதிருப்தி!

கூட்டணி தர்மத்தின் அடிப்படையில் 3 நியமன சட்டமன்ற உறுப்பினர்கள் நியமனம் செய்யப்பட்டுள்ளனர். கடந்த முறை போல் இதுவும் மத்திய அரசின் முடிவு. மக்களுக்கு தேவையான அனைத்து திட்டங்களையும் தேசிய ஜனநாயக கூட்டணி அரசு செயல்படுத்தும்.

5 ஆண்டுகள் சிறப்பான ஆட்சி நடைபெறும். தங்களது தொகுதிகளுக்கு நல்லது நடக்க வேண்டும் என்பதால் சுயேட்சை சட்டமன்ற உறுப்பினர்கள் பாஜகவிற்கு ஆதரவு தெரிவிக்கின்றனர். எங்கள் கூட்டணி முழு பலத்துடன் உள்ளது. இவ்வறு பாஜக மாநில தலைவர் சாமிநாதன் தெரிவித்துள்ளார்.