கோகுல இந்திராவை முதல்வர் வேட்பாளராக்குங்கள்... அடுத்த சர்ச்சை

தமிழக அரசியலிலும் சரி, தற்போதைய ஆளுங்கட்சியான அதிமுகவிலும் சரி. இன்றைய தேதிக்கு பிரதான பேசுபொருள் யார் அதிமுகவின் முதல்வர் வேட்பாளர் என்பதுதான். கிளம்பி அடங்கியிருந்த பிரச்சினை செயற்குழு கூட்டத்துக்குப் பிறகு பூதாகரமாக வெடித்துள்ளது.

இந்நிலையில், பெண் ஒருவருக்கு முதல்வர் பதவியை வழங்க வேண்டும் என்ற கோரிக்கைகள் மெல்ல மெல்ல தென்மாவட்டங்களில் எழுந்து வருகின்றன. குறிப்பாக கோகுல இந்திராவை முதல்வராக அறிவிக்க வேண்டும் என்று பேச்சுகள் எழுந்துள்ளன. சமூக வலைதளங்களில் இது தொடர்பாக பதிவுகளும் பரப்பட்டு வருகின்றன.

முன்னதாக விழுப்புரம், கள்ளக்குறிச்சி பகுதியைச் சேர்ந்தவர்கள், சட்டத்துறை அமைச்சர் சி.வி.சண்முகத்துக்கு முதல்வராகும் அனைத்துத் தகுதிகளும் உண்டு என்று பேசி வந்த நிலையில், தற்போது கோகுல இந்திராவின் பெயரையும் அந்த வரிசையில் சேர்த்துள்ளனர் நெட்டிசன்கள்.

அரசு நிகழ்ச்சியில் ஓ.பி.எஸ். பெயர் புறக்கணிப்பு

அத்துடன், “அம்மாவுக்குப் பிறகு இரண்டு ஆண்கள் முதல்வராக இருந்துவிட்டனர். இந்நிலையில், அம்மாவுக்கு பிறகு ஒரு பெண் முதலவ்ராக வர வேண்டும் என்றும் இந்த கோரிக்கைக்கு காரணம் தெரிவிக்கப்படுகிறது.


ஏற்கனவே அதிமுகவுக்குள் கடுஞ்சிக்கல் நிலவுவதாகத் தகவல்ல்கள் வெளிவரும் நிலையில், ஆளாளுக்கு தங்கள் விருப்பங்களை பொதுவெளியில் தெரிவித்து வருகின்றனர் என்று மட்டுமேஎ இந்த செய்திகளை எடுத்துக்கொள்ள வேண்டி இருக்கிறது.