குழந்தைகளுக்கு இலவச சிலம்ப பயிற்சி: கெத்து காட்டும் 70 வயது நபர்!

தமிழகத்தின் பாரம்பரிய விளையாட்டான சிலம்பம் உள்ளிட்ட தற்காப்புக் கலைகள் உடல் ஆரோக்கியத்துடன் இருக்க உதவுகின்றன. இவை அனைவராலும் கற்றுக்கொள்ள முடியாவிட்டாலும் அதற்கென தனி மவுசு இருக்கத்தான் செய்கிறது. சிறுவர்கள், இளைஞர்கள் என பல தரப்பினரையும் இவ்விளையாட்டுகள் கவருகின்றன.



இந்நிலையில், ராமநாதபுரம் ராமேஸ்வரம் அருகே சம்பை கிராமத்தை சேர்ந்த கணபதி முருகேசன் என்ற 70 வயது முதியவர் தனது ஓய்வு நேரத்தில் சிறுவர்களுக்கு இலவச சிலம்ப விளையாட்டு பயிற்சி அளித்து வருகிறார். சிறுவர்களின் தற்காப்புக்காக சிலம்ப பயிற்சி அளித்து வருகிறார் கணபதி முருகேசன்.

முழுக்க முழுக்க இலவசாகவே இப்பயிற்சியை அவர் வழங்கி வருகின்றனர். சிலம்பப் பயிற்சியை கற்றுக்கொள்வதன் மூலம் பாரம்பரிய தற்காப்புக் கலைகள் அழியாமல் பாதுகாக்க முடியும் என்று சிறுவர்கள் நம்புகின்றனர். தற்போது ராமேஸ்வரத்தை சேர்ந்த சுமார் 200 சிறுவர்கள் கணபதி முருகேசனிடம் சிலம்பப் பயிற்சி பெற்று வருகின்றனர்.